19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Պեսկովը հայտարարել է, որ Պուտինը Բայդենին իրենց հաջորդ հանդիպմանը կպատմի կլիմայի հարցում ՌԴ գործողություններ մասին
Քաղաքականություն
03.11.2021 | 15:30
ՌԴ նախագահ Վլադիմիր Պուտինը ԱՄՆ նախագահ Ջո Բայդենին կլիմայի հարցում Մոսկվայի գործողությունների մասին կպատմի նրանց առաջիկա հանդիպմանը, որի նպատակահարմարության ըմբռնումն արդեն կա։ Այս մասին լրագրողների հետ զրույցում ասել է ՌԴ նախագահի մամուլի խոսնակ Դմիրտրի Պեսկովը, գրում է ՏԱՍՍ-ը։
«Համոզված եմ, որ երբ կայանա երկու նախագահների հերթական հանդիպումը, որի նպատահարմարության մասին ըմբռնում կա, կարծում եմ՝ նախագահ Պուտինը հիանալի հնարավորություն կունենա պատմելու նախագահ Բայդենին այն մասին, թե ինչ ենք անում կլիմայի հարցերով»,- ասել է Պեսկովը։
Նշենք, որ ավելի վաղ ԱՄՆ նախագահ Ջո Բայդենը, ելույթ ունենալով COP26-ի շրջանակում պետությունների և կառավարությունների ղեկավարների երկօրյա գագաթնաժողովի ավարտին կայացած մամուլի ասուլիսում, սխալ էր անվանել ՌԴ-ի և Չինաստանի ղեկավարության՝ Գլազգոյում կլիմայական գագաթնաժողովին և Հռոմում G20-ի գագաթնաժողովին ներկա գտնվելուց հրաժարվելը։
Բացի այդ, Բայդենը մատնանշել էր կլիմայի փոփոխության դեմ պայքարի հարցում Մոսկվայի «լռությունը»։
«Նրա՝ ՌԴ նախագահի մոտ վառվում է տունդրան»,- ասել էր Բայդենը՝ հավելելով, որ Ռուսաստանը լրջագույն խնդիրների է բախվում կլիմայի հետ կապված։
Էմմա Չոբանյան
