07.11.2024 | 19:37
Փաշինյանը Բուդապեշտում մասնակցել է «Տնտեսական անվտանգություն» թեմայով կլոր-սեղան քննարկմանը
ՌԴ-ն իր տարածքում զորքերը տեղակայում է այնտեղ, որտեղ անհրաժեշտ է համարում․ Պեսկովի պատասխանն Ուկրաինային
Քաղաքականություն
03.11.2021 | 15:14
ՌԴ նախագահի մամուլի խոսնակ Դմիտրի Պեսկովը մեկնաբանել է Ուկրաինայի Պաշտպանության նախարարության հայտարարությունն այն մասին, որ Ռուսաստանը պահպանում է ռազմական ներկայությունն իր սահմաններին։ Այս մասին գրում է ՌԻԱ Նովոստին։
Պեսկովը նշել է, որ իր տարածքում ՌԴ-ն անում է այն, ինչ անհրաժեշտ է համարում։
«Ռուսաստանը պահպանում է ռազմական ներկայությունն իր տարածքում այնտեղ, որտեղ անհրաժեշտ է համարում»,- ասել է Կրեմլի խոսնակը լրագրողների հետ զրույցում։
Նշենք, որ ավելի վաղ Ուկրաինայի ՊՆ-ն, վկայակոչելով գլխավոր հետախուզական վարչության տվյալները, հայտարարել էր, որ Դոնբասում ու երկրի սահմաններին մոտ 90․000 ռուս զինծառայող կա։
Ավելի վաղ էլ ամերիկյան Politico-ն հրապարակել էր արբանյակային լուսանկարներ, որոնք ցույց էին տալիս ռուսական զորքերի տեղակայումը Ուկրաինայի հետ սահմանին։
Էմմա Չոբանյան
