29.06.2026 | 22:03
Վրաստանն ու Ղազախստանը ռազմավարական գործընկերության մասին հռչակագիր են ստորագրել
ՀՀ-ում սահմանային ճանապարհներով անցնելը կյանքի իրավունքի վտանգում է . Արման Թաթոյան․ ՏԵՍԱՆՅՈՒԹ
Հասարակություն
03.11.2021 | 11:50
Այսօր հրավիրված ասուլիսում, ներկայացնելով Կապանի օդանավակայանի լուսանկարները, ՀՀ մարդու իրավունքների պաշտպան Արման Թաթոյանը նշեց, որ անմիջապես թռիչքուղիների հարևանությամբ ադրբեջանական տեղակայումներն են. ադրբեջանական զինված ուժերը, այդտեղ տեղակայվելով, վերահսկողություն են կարողանում հաստատել Մ2 ճանապարհի ու Կապան քաղաքի նկատմամբ՝ վտանգելով նաև բնակչության կյանքն ու առողջությունը։
«Այնտեղ նրանց տեղակայումը, անգամ եթե մեկ կրակոց չի արձակվում, կյանքի իրավունքի խախտում է։ Եվրոպական դատարանի պահանջների համաձայն՝ պարտադիր չէ, որ զոհ լինի, որ դա համարվի կյանքի իրավունքի խախտում։ Վտանգ է, որ օդանավակայանը շահագործվի, որովհետև կարող են կրակել կամ ահարձակում իրականացնել ինքնաթիռների վրա, ինչպե՞ս ենք նախատեսում Կապանի բնակիչների ազատ տեղաշարժը»,-ասաց Արման Թաթոյանը։
ՄԻՊ-ի խոսքով՝ Սյունիքի մարզի ճանապարհներին տեղադրված ադրբեջանական ցուցանակները ռազմավարական նպատակ ունեն։ Դրանք օգտագործվում են մարդկանց ահաբեկելու համար։
«Երբ մենք այս ցուցանակը նկարում էինք, 2 րոպե ենք կանգնել և մեկ րոպե չէր անցել, երբ գլուխներս բարձրացրեցինք ու տեսանք, որ փոքր բլուրի վրա զենքը մեր վրա պահած կանգնած են։ Մարդիկ էլ բնականաբար խուսափում են այդ հատվածներով երթևեկելուց։ Սա ազատ տեղաշարժի կոպիտ խախտում է»,-նշեց Արման Թաթոյանը՝ ևս մեկ անգամ նկատելով, որ ՀՀ-ում սահմանային ճանապարհներով անցնելը կյանքի իրավունքի վտանգում է:
Մանրամասները՝ տեսանյութում:
