18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մեկ րոպե էլ չէինք կանգնել ճանապարհին, ադրբեջանական թիրախի տակ հայտնվեցինք. ՄԻՊ․ ՏԵՍԱՆՅՈՒԹ
Հասարակություն
03.11.2021 | 11:45
Սյունիքի մարզի ճանապարհներին տեղադրված ադրբեջանական ցուցանակները ռազմավարական նպատակ ունեն։ Դրանք օգտագործվում են մարդկանց ահաբեկելու համար։ Մամուլի ասուլիսի ժամանակ հայտարարեց ՀՀ մարդու իրավունքների պաշտպան Արման Թաթոյանը։
Մարդու իրավունքների պաշտպանը նկատեց՝ այդ մարդկանց գերագույն գլխավոր հրամանատարն այն նախագահն է, որն ամեն օր սպառնում է ՀՀ բնակիչներին, հետևաբար պետք է նկատի ունենանք այս կարևոր հանգամանքները։
«Երբ մենք այս ցուցանակը նկարում էինք, 2 րոպե ենք կանգնել և մեկ րոպե չէր անցել, երբ գլուխներս բարձրացրեցինք ու տեսանք, որ փոքր բլուրի վրա զենքը մեր վրա պահած կանգնած են։ Մարդիկ էլ բնականաբար խուսափում են այդ հատվածներով երթևեկելուց։ Սա ազատ տեղաշարժի կոպիտ խախտում է։ Մարդիկ հիվանդանոց են գնում և գերադասում առավոտյան վերադառնան, խուսափում են գիշերն այս ճանապարհով երթևեկել»,-նշեց Արման Թաթոյանը։
Մանրամասները՝ տեսանյութում:
