12.02.2026 | 13:05
Ազգերի լիգա. Հայաստանի հավաքականն այսօր կիմանա մրցակիցներին
Ադրբեջանում Իսրայելի դեսպանը հայտարարել է, որ Թել Ավիվը ցանկանում է օգնել Բաքվին՝ վերականգնել Արցախի գրավյալ տարածքները
Քաղաքականություն
02.11.2021 | 23:04
Ադրբեջանում Իսրայելի դեսպան Ջորջ Դիքն այսօր այցելել է Գանձակ ու լրագրողների հետ զրույցում հայտարարել, որ Իսրայելը միշտ աջակցել է Ադրբեջանի տարածքային ամբողջականությանը, գրում են տեղական լրատվամիջոցները։
«Հիմա՝ տարածքային ամբողջականության վերականգնումից հետո, մենք Ադրբեջանի կողքին ենք և ցանկանում ենք օգնել տարածքների վերականգնման և վերակառուցման հարցում»,- ասել է դեսպանը։
Նա հավելել է, որ Իսրայելը չափազանց շահագրգռված է օգնել Ադրբեջանին՝ Արցախի գրավյալ տարածքների վերականգնման հարցում։
«Մենք պատրաստ ենք համագործակցել Ադրբեջանի կառավարության հետ այդ ոլորտում։ Նախորդ շաբաթ Բաքվում կայացավ «Rebuild Karabakh» ցուցահանդեսը, որին մասնակցեցին նաև իսրայելական ընկերությունները։ Իսրայելը պատրաստ է համագործակցել ցանկացած ոլորտում, որն անհրաժեշտ է Ադրբեջանին։ Կարծում ենք՝ դա կարող է լինել գյուղատնտեսությունը, ջրային տնտեսության կառավարումը և այլ ոլորտներ»,- ասել է Բաքվում Իսրայելի դեսպանը։
Հավելենք, որ օրերս էլ Ջորջ Դիքը հայտարարել էր, որ որևէ երկիր չի կարող խաթարել Ադրբեջանի և Իսրայելի հարաբերությունները։
Էմմա Չոբանյան
