29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
Ստամբուլի քաղաքապետ Իքրեմ Իմամօղլուն մասնակցում է Էրդողանի կողմից մերժված Գլազգոյի կլիմայական գագաթնաժողովին
Քաղաքականություն
02.11.2021 | 23:30
Ստամբուլի քաղաքապետ Էքրեմ Իմամօղլուն, որը Թուրքիայի նախագահ Ռեջեփ Թայիփ Էրդողանի հավանական քաղաքական մրցակիցն է 2023 թվականին կայանալիք ընտրություններում, մասնակցում է Շոտլանդիայի Գլազգո քաղաքում անցկացվող COP26 համաշխարհային կլիմայական գագաթնաժողովին, գրում են թուրքական լրատվամիջոցները։
Ստամբուլի քաղաքապետարանի խոսնակ Մուրատ Օնգունը հայտնել է, որ քաղաքապետ Իմամօղլուն մասնակցելու է Գլազգոյում երկու առանձին պանելային քննարկումների։ Նա ներկայացնելու է Ստամբուլը։
Ուշագավ է, որ այս հայտարարությունը հաջորդում է Էրդողանի՝ Գլազգո այցի չեղարկմանը։
Նշենք, որ Թուրքիայի նախագահը չեղարկել էր իր այցը Գլազգո՝ անվտանգության չափորոշիչների հետ կապված խնդիրների պատճառով։
«Կան անվտանգության որոշակի չափորոշիչներ, որոնք մենք խնդրել էինք Գլազգոյի գագաթնաժողովից առաջ։ Դրանք չափորոշիչներ են, որոնք միշտ կիրառվում են մեր և մյուս բոլոր առաջնորդների համար արտասահմանյան այցերի ընթացքում։ Բայց մեզ կազմակերպիչները վերջին պահին ասացին, որ չեն կարող դրանք բավարարել»,- ասել է Թուրքիայի նախագահը։
Իմամօղլուն ընդդիմադիր Ժողովրդահանրապետական կուսակցության անդամ է։ Նա հաղթեց 2019 թվականի Ստաբուլի քաղաքապետի ընտրություններում՝ ստանալով ձայների 54 տոկոսը։ Այսօր էլ, տարբեր սոցհարցումների համաձայն, նրա վարկանիշը շարունակում է բավական բարձր լինել՝ ի տարբերություն նախագահ Էրդողանի։
Էմմա Չոբանյան
