14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Լավրովն ու Բայրամովը քննարկել են եռակողմ հայտարարությունների իրագործման հետ կապված հարցեր
Քաղաքականություն
02.11.2021 | 19:14
ՌԴ ԱԳ նախարար Սերգեյ Լավրովն այսօր հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ։ Այս մասին հաղորդում են ադրբեջանական լրատվամիջոցները՝ վկայակոչելով ԱԳՆ-ին։
Նշվում է, որ կողմերը կարծիքներ են փոխանակել երկկողմ հարաբերությունների օրակարգային մի շարք հարցերի շուրջ։
«Կողմերը նաև քննարկել են եռակողմ հայտարարությունների իրագործման աշխատանքային խմբի գործունեությունը, այդ թվում՝ տրանսպորտային հաղորդակցությունների բացման հետ կապված։ Մտքերի փոխանակում է տեղի ունեցել տարածաշրջանային ընթացիկ իրավիճակի մասին, նախարարները նաև նշել են «3+3» ձևաչափով համագործակցության հարթակի զարգացման կարևորությունը»,-ասվում է ադրբեջանական կողմի հաղորդագրության մեջ։
Երկու երկրների պաշտոնյաները նաև քննարկել են փոխադարձ հետաքրքրություն ներկայացնող այլ հարցեր։
Էմմա Չոբանյան
