Հասարակություն
02.11.2021 | 15:37Շտապօգնության ծառայության վեցերորդ ենթակայանի վարորդները բողոքի ակցիա են իրականացնում՝ պահանջելով բարձրացնել աշխատավարձերը և ավելացնել մեքենաների թիվը:
Լրագրողների հետ հեռախոսազրույցում «Շտապօգնություն» ՓԲԸ տնօրեն Թագուհի Ստեփանյանը նշեց, որ ոչինչ չի կարող անել։ Տեղյակ չէր բողոքի ակցիայից ու եթե նախարարությունը ճիշտ գտնի բարձրացնել վարորդների աշխատավարձը, դա կանի։
«Աշխատավարձի բարձրացողը ես չեմ։ Վերջին անգամ նրանց աշխատավարձը բարձրացել է 2020 թվականի հունվարին՝ 10 տոկոսով։ Կորոնավիրուսի ժամանակ երեք անգամ ստացել են պարգևավճար։ Յուրաքանչյուր աշխատակից, որ գալիս ընդունվում է աշխատանքի, ստորագրում է պայմանագիր ու նախապես գիտի՝ ինչ աշխատանք է կատարելու ու ինչ աշխատավարձ է ստանալու։ Յուրքանչյուրն է որոշում ՝ ցանկություն ունի՞ աշխատելու թե ոչ»։
Վարորդների պնդմանը, որ աշխատանքի ընդունվելիս 10-12 կանչ են սպասարկել, իսկ հիմա դրանց թիվը հասնում է 2000-ի, տնօրենը նշեց, որ նման բան չի եղել։
Ստեփանյանի խոսքով՝ բոլոր ենթակայանների կանչերը կատարելու են այն վարորդները, որոնք ցանկություն կունենան աշխատելու։
Տնօրենն այս պահին քայլեր չի ձեռնարկում՝ հանդիպելու բողոքի ակցիա իրականացնող վարորդների հետ՝ նշելով. «Իրենք ակցիա անելիս ինձ եկել ասե՞լ են, որ ակցիա են անելու»:
Մանրամասները՝ տեսանյութում:
