18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Ռուսաստանը մեծ թվով զինտեխնիկա է տեղակայել Ուկրաինայի հետ սահմանին․ արբանյակային լուսանկարներ
Քաղաքականություն
02.11.2021 | 15:10
Ռուսաստանը զորք և ռազմատեխնիկա է մոտեցրել Ուկրաինայի հետ սահմանին։ Որպես ապացույց լրատվամիջոցներում տարածված այս տեղեկություններին՝ POLITICO-ն արբանյակային լուսանկարներ է հրապարակել։
«Նոր լուսանկարները, որոնք արվել են Maxar Technologies-ի կողմից ու փոխանցվել POLITICO-ին, ցույց են տալիս զրահատանկային ստորաբաժանումների, ցամաքային զորքերի հետ միասին տանկերի և ինքնագնաց հրետանու կուտակումները, որոնք կենտրոնացած են Ռուսաստանի Ելնյա քաղաքի մոտ՝ Բելառուսի հետ սահմանից ոչ հեռու»,- ասվում է հրապարակման մեջ։
Միաժամանակ, նշվում է, որ այս ստորաբաժանումներն իրենց մշտական հենակետերից սկսել են վերաբաշխվել սեպտեմբերի վերջին։ Դրանք ներառում են նաև ՌԴ 1-ին գվարդիական տանկային բանակի ստորաբաժանումները: Այս բանակը նախատեսված է տարբեր մակարդակների գործողություններ իրականացնելու համար և սովորաբար առաջինն է ստանում ռազմական տեխնիկայի առաջադեմ մոդելները, պնդում է հրատարակությունը՝ վկայակոչելով Janes մասնավոր հետախուզական գործակալության վերլուծությունը։
Նշվում է նաև, որ Բրյանսկի և Կուրսկի շրջաններում՝ Ուկրաինայի հյուսիսային սահմանի մոտ, կենտրոնացված է Ռուսաստանի Դաշնության 4-րդ զրահատանկային դիվիզիայի տեխնիկան։ Այս ստորաբաժանումները համալրված են Т-80 մարտական տանկերով և ինքնագնաց հրետանիով։
Տաթև Ֆռանգյան
