23.08.2026 | 10:37
Ստեփանավանում վագոն-տնակ է այրվել. կա զոհ
Բուլղարիան զորք է ուղարկել Թուրքիայի հետ սահման՝ ապօրինի միգրանտների հոսքը զսպելու հարցում սահմանապահներին օգնելու համար
Քաղաքականություն
02.11.2021 | 15:30
Բուլղարիան 350 զինծառայող է տեղակայել Թուրքիայի հետ սահմանին՝ սահմանապահներին օգնելու զսպել անօրինական միգրանտների աճող հոսքը։ Այս մասին բուլղարական bTV հեռուստաալիքի եթերում հայտարարել է երկրի պաշտպանության նախարարի պաշտոնակատար Գեորգի Պանայոտովը, գրում է DW-ի ռուսական ծառայությունը։
«Զինծառայողներն այսօր ժամանել են բուլղարա-թուրքական սահման՝ աջակցելու սահմանապահներին»,- ասել է պաշտոնյան՝ հավելելով, որ սահմանին տեղակայվել է նաև 40 միավոր տեխնիկա։
Բուլղարիայի ՆԳ նախարարության տվյալներով՝ այս տարվա սկզբից ավելի քան 6,5 հազար մարդ ապօրինի հատել է երկրի սահմանը, ինչը երեք անգամ ավելի է, քան 2020 թվականի 9 ամիսներին։ Բուլղարիան, որը 260 կիլոմետրանոց սահման ունի Թուրքիայի հետ, գտնվում է առանցքային ուղիներից մեկում, որը միգրանտներն օգտագործում են՝ Մերձավոր Արևելքից և Աֆղանստանից ԵՄ մուտք գործելու համար։
Տաթև Ֆռանգյան
