19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Թուրքերի 2/3-ը համարում է, որ Էրդողանը վատ է կառավարում տնտեսությունը, ըստ ընտրողների 62%-ի՝ արտահերթ ընտրություններ են պետք․ սոցհարցում
Քաղաքականություն
01.11.2021 | 23:31
Ըստ Avrasya Araştırma-ի կողմից անցկացված սոցհարցումների՝ թուրք ընտրողների 2/3-ը կարծում է, որ Թուրքիայի նախագահ Ռեջեփ Թայիփ Էրդողանի վարչակազմը վատ է աշխատում տնտեսության կառավարման հարցում, գրում է «Ահվալ» գործակալությունը։
Հարցվածների միայն 21․1 տոկոսն է ասել, որ Էրդողանը տնտեսությունն արդյունավետ է կառավարում։
Նշենք, որ անցյալ ամսվա ընթացքում թուրքական լիրան արժեզրկման ռեկորդ էր գրանցել։ Գնաճը երկրում սեպտեմբերին 20 տոկոսի է հասել, մինչդեռ պաշտոնական տվյալներով՝ գործազրկությունը տղամարդկանց շրջանում 10․8 տոկոս է, կանանց շրջանում՝ 15 տոկոս։
Հարցվածների մոտ 20 տոկոսն էլ ասել է, որ կառավարությունն ի վիճակի չէ լուծել Թուրքիայի տնտեսական խնդիրները։ Հարցին՝ արդյո՞ք կառավարության փոփոխությունը կբարելավի երկրում տնտեսական իրավիճակը, հարցվածների 48․1 տոկոսը դրական պատասխան է տվել, իսկ 32․1 տոկոսի կարծիքով՝ այն կվատթարանա։
Ընտրողների 62 տոկոսն էլ կարծում է, որ կառավարությունը պետք է արտահերթ ընտրություններ անցկացնի։ Հարցվածների 56․9 տոկոսը նշել է, որ Թուրքիան լրջագույն տնտեսական ճգնաժամ է ապրում, 30 տոկոսից մի փոքր պակասն էլ կարծում է, որ նման անկումը ժամանակավոր է։
Էմմա Չոբանյան
