18.01.2026 | 15:00
WP․ Պենտագոնը պատրաստվում է դեսանտայիններին ուղարկել Մինեսոտա
Տոկիոյում գնացքի ուղևորների վրա զինված հարձակման հետևանքով վիրավորների թիվը հասել է 17-ի
Քաղաքականություն
01.11.2021 | 15:53
Տոկիոյի գնացքում դանակով զինված հարձակման հետևանքով 17 մարդ վիրավորվել է։ Հաղորդվում է, որ տուժածներից մեկը՝ տարեց մի տղամարդ, լուրջ վնասվածքներ է ստացել և ծայրահեղ ծանր վիճակում է, գրում է DW-ի ռուսական ծառայությունը։
Ոստիկանությունը հարձակվողին ձերբակալել է հանցագործության վայրում։ Հաղորդվում է, որ նա 24 տարեկան է։ Երիտասարդին սպանության փորձի մեղադրանք է առաջադրվել։ Չարագործի դրդապատճառների մասին չի հաղորդվել։
Հոկտեմբերի 31-ի երեկոյան Տոկիոն, ինչպես աշխարհի շատ այլ քաղաքներ, նշում էր Հելոուինը։ Քանի որ գնացքում շատ կոստյումավոր ուղևորներ են եղել, սկզբում ոչ բոլորն են հասկացել, որ դանակով վագոն մտած երիտասարդը կփորձի իրական հարձակում գործել։ Սակայն շուտով վագոնում խուճապ է սկսվել, մարդիկ շտապել են դեպի ելքը։
Չարագործը նաև փորձել է հրկիզել վագոնը՝ դյուրավառ նյութ լցնելով այնտեղ։ Դեպքի վայր են ժամանել ոստիկանության տասնյակ աշխատակիցներ ու մի քանի հրշեջ մեքենաներ։ Գնացքների երթևեկությունը ժամանակավորապես դադարեցվել է։
Տաթև Ֆռանգյան
