12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Զանգեզուրում ակնհայտ է՝ ունենք հաստիքների խնդիր․ Անդրանիկ Քոչարյան․ ՏԵՍԱՆՅՈՒԹ
Տնտեսություն
01.11.2021 | 12:12
«Մինչև պատերազմը Գորիսի կամ Կապանի ոստիկանության բաժիններն ունեցել են որոշակի թվով ծառայողների հաստիքներ, սակայն պատերազմից հետո աշխատակիցների մի մասը հենակետերում է ծառայում, իսկ ամեն վայրկյան արտակարգ իրավիճակներ են լինում։ Անասելի ծանրաբեռնված են։ Կադրային փոփոխություն չեք անո՞ւմ։ Գորիսին միայն մեկ հետաքննիչ է տրամադրված»,-Ազգային ժողովի պաշտպանության և անվտանգության հարցերի, ֆինանսավարկային և բյուջետային հարցերի մշտական հանձնաժողովների համատեղ նիստում 2022թ․-ի պետական բյուջեի մասին ՀՀ օրենքի նախագծի նախնական քննարկումների ժամանակ ՀՀ փոխոստիկանապետ Արա Ֆիդանյանին այս հարցն ուղղեց «Քաղաքացիական պայմանագիր» խմբակցության պատգամավոր Արմեն Խաչատրյանը։ Նա շեշտեց, որ երեկոյան ժամերին Սյունիքում անգամ պարեկներ չեն աշխատում, որովհետև անվտանգության անհրաժեշտությունից ելնելով՝ կատարում են ուղեկցումներ դեպի Կապան, Տաթև։
Արա Ֆիդանյանը պատասխանեց, որ կադրային քաղաքականությունը մշտապես վերանայում են, բայց նշված օրինակով, այո, ավելացման կարիք կա։
Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը հավելեց. Զանգեզուրում պարեկային ոստիկանության ներդրումն ավելի ուշ է լինելու, բայց այո, կա խնդիր՝ սկսած ուղեկցումներից, վերջացրած անվտանգային այլ խնդիրներով: Արժե օր առաջ այնտեղ հաստիքային ավելացումներ անել»։
Մանրամասները՝ տեսանյութում:
