30.06.2026 | 12:18
Ամենախիստ պատժին պետք է արժանանա անձը, որի մեղավորությունը հաստատվում է ընտրակաշառքի հարցում․ Գալյան․ ՏԵՍԱՆՅՈՒԹ
«Չար» վարորդները գտան բալերը դեսից-դենից հավաքելու ձևերը՝ ամուսինների, ընկերների հաշվին․ Ա․ Քոչարյան․ ՏԵՍԱՆՅՈՒԹ
Հասարակություն
01.11.2021 | 12:00
Ճանապարհային երթևեկության կանոնակարգման բալային համակարգը սպասված արդյունքները չի տալիս: Այս մասին Ազգային ժողովի պաշտպանության և անվտանգության հարցերի, ֆինանսավարկային և բյուջետային հարցերի մշտական հանձնաժողովների համատեղ նիստում 2022թ․-ի պետական բյուջեի մասին ՀՀ օրենքի նախագծի նախնական քննարկումների ժամանակ այս մասին նշեց Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Սկզբի շրջանում, ոնց որ թե լավ էր, բայց, ոնց որ մեր չար վարորդները գտան ձևերը բալերը դեսից-դենից հավաքագրելու՝ իրենց ամուսինների հաշվին, ընկերների հաշվին, մենք դրա դեմը ո՞նց պետք է առնենք»,- դիմելով ՀՀ փոխոստիկանապետ Արա Ֆիդանյանին՝ նշեց Անդրանիկ Քոչարյանը և առաջարկեց արագ օրենսդրական առաջարկ պատրաստել։
Պատգամավորի դիտարկմամբ՝ ամեն օր ճանապարհներին արձանագրվում են միջադեպեր:
«Որպես կանոն, խփում են հետևից, չգիտեմ՝ ինչու, դա էլ շատ ազգային յուրահատկության է նմանվել»,- ասաց Քոչարյանը։
Փոխոստիկանապետ Արա Ֆիդանյանը պնդեց՝ բալային համակարգն իր դրական ազդեցությունն ունեցել է, բայց ճանապարհատրանսպորտային պատահարներն ավելացել են։
Տեղեկացնելով, որ բալային համակարգը գործում է բացառապես տեխնիկական միջոցներով արձանագրված խախտումների դեպքում՝ փոխոստիկանապետը տեղեկացրեց, որ տեխնիկական միջոցներով հիմնականում հագեցված է Երևանը, և այդ պատճառով էլ Երևանում ՃՏՊ-ների արդյունքով զոհերի թիվն ավելի քիչ է, քան մարզերում:
