12.01.2026 | 12:30
«Բրավո՛, Հայաստան»․ Քոնոր Մաքգրեգորը պատմել է իր երազանքի մասին
Հանցագործությունների թիվն աճել է 1201 դեպքով․ ավելացել են խարդախությունները, գողությունները և ՃՏՊ-ները․ ՏԵՍԱՆՅՈՒԹ
Հասարակություն
01.11.2021 | 11:48
այաստանի Հանրապետությունում գրանցված հանցագործությունների ընդհանուր թվաքանակը աճել է 6.1 տոկոսով կամ 1201 դեպքով, ինչը գլխավորապես պայմանավորված է խարդախությունների, գողությունների և ճանապարհային երթևեկության կանոնները խախտելու դեպքերի ավելացմամբ: ԱԺ պաշտպանության եւ անվտանգության ու Ֆինանսավարկային եւ բյուջետային հարցերի մշտական հանձնաժողովների համատեղ նիստում այս մասին հայտնեց ՀՀ ոստիկանության պետի տեղակալ Արա Ֆիդանյանը:
« 2020 թվականի 9 ամիսներին կազմել է 19662 դեպք, իսկ 2021 թվականին 9 ամիսներին՝ 20863, ինչը գլխավորապես պայմանավորված է խարդախությունների, գողությունների և ճանապարհային երթևեկության կանոնները խախտելու դեպքերի աճով»,- ասաց Ֆիդանյանը:
Ոստիկանության պետի տեղակալի խոսքով`գրանցված 20863 դեպքերի մեջ հիմնական բաժինն ընկնում է ոչ մեծ և միջին ծանրության հանցագործություններին, որոնք համարվում են առավել նվազ հասարակական վտանգավորություն ներկայացնող հանցատեսակներ:
«Դրանք կազմում են գրանցված ընդհանուր հանցագործությունների 84 տոկոսը»,- հավելեց Ֆիդանյանը:
Ոստիկանության պետի տեղակալը հավելեց նաև, որ առանձին հանցատեսակներից աճել են սպանության, սեռական անձեռնմխելիության դեմ ուղղված, գողության, ավազակության, խարդախության, համակարգչային տեխնիկայի միջոցով կատարված հափշտակությունների, տրանսպորտային միջոց փախցնելու և ճանապարհային երթևեկության խախտելու դեպքերը:
Մանրամասները՝ տեսանյութում:
