08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Մասկը պատրաստ է վաճառել Tesla-ի բաժնետոմսերը մարդկությանը սովից փրկելու համար
Քաղաքականություն
31.10.2021 | 21:49
Tesla ավտոմեքենաների ամերիկյան արտադրող և SpaceX ընկերության հիմնադիր Իլոն Մասկը հայտարարել է, որ պատրաստ է իր փողերի մի մասը ծախսել մարդկությանը սովից փրկելու համար:
Ավելի վաղ ՄԱԿ-ի Պարենի համաշխարհային ծրագրի գործադիր տնօրեն Դևիդ Բիզլին «աղետը» կանխելու համար կոչ էր արել Մասկին միջոցներ նվիրաբերել սովի դեմ պայքարելու համար: Ինչպես հայտնել է CNN հեռուստաալիքը, սովից մարդկանց փրկելու համար անհրաժեշտ է Մասկի կարողության, որն այս պահին հասնում է գրեթե 289 մլրդ դոլարի, ընդամենը 2 տոկոսը։
«Եթե ՄԱԿ-ի Պարենի համաշխարհային ծրագիրը բացատրի, թե ինչպես 6 մլրդ դոլարը կարող է լուծել համաշխարհային սովի խնդիրը, ես պատրաստ եմ հիմա վաճառել Tesla-ի բաժնետոմսերը և լուծել այն։ Բայց ֆինանսական հաշվետվությունները պետք է բաց լինեն, որպեսզի հասարակությունը տեսնի, թե ինչպես են ծախսվում գումարները»,- «ՌԻԱ Նովոստի»-ի փոխանցմամբ՝ գրել է Մասկը Twitter-ի իր էջում։
Հիշեցնենք, որ Մասկն այս շաբաթ Forbes-ի վարկածով գլխավորել է միլիարդատերերի վարկանիշը։
