25.04.2026 | 16:22
Պատրաստ ենք ԱՄՆ-ի և Ռուսաստանի հետ բանակցություններին Ադրբեջանում. Զելենսկի
Բոլդուինն առաջին անգամ մեկնաբանել է ֆիլմի նկարահանումների ժամանակ օպերատորի մահը
Քաղաքականություն
31.10.2021 | 19:17
Ամերիկացի դերասան Ալեք Բոլդուինն առաջին անգամ լրագրողների հետ շփվել է «Ժանգը» ֆիլմի նկարահանման հրապարակում տեղի ունեցած ողբերգությունից հետո, որտեղ նրա արձակած գնդակից զոհվել է կին օպերատորը:
Դերասանը մեքենան կանգնեցրել է ճանապարհին և դուրս եկել նրան հետապնդող պապարացիների մոտ, հաղորդում է CNN հեռուստաալիքը:
«Միջադեպեր լինում են նկարահանման վայրերում ժամանակ առ ժամանակ, բայց ոչ այդպիսին»,- «ՌԻԱ Նովոստի»-ի փոխանցմամբ՝ ասել է Բոլդուինը։
Նրա խոսքերով՝ այսպիսի բան պատահում է չափազանց հազվադեպ։
Նա հավելել է, որ իրեն արգելված է մեկնաբանել հետաքննությունը, որը դեռեւս չի հասել մեղադրանքների ներկայացման փուլին։
Ինչ վերաբերում է ֆիլմի հետագա նկարահանումներին, ապա Բոլդուինը չի կարծում, որ դրանք կվերսկսվեն։ Զրույցի ավարտին դերասանը լրագրողներին խնդրել է այլևս չհետապնդել իրենց մեքենան, որտեղ երեխաներն արտասվում են։
Հիշեցնենք, որ նկարահանումների ընթացքում ատրճանակի փամփուշտը, որը գտնվել է դերասանի ձեռքում, կամ դրա բեկորները դիպել են երկու մարդու՝ կին օպերատորի և ռեժիսորի: Ատրճանակը պետք է լիցքավորված լիներ ոչ մարտական փամփուշտով։ Տուժածներին ուղղաթիռով տեղափոխել են հիվանդանոց։
Ռեժիսորը ողջ է մնացել, իսկ կինը մահացել է։ Մահացած Գալինա Հաթչինսը ծնունդով Ուկրաինայից էր, մի քանի տարի ապրել է Ռուսաստանում:
Նշվում է, որ դերասանի դեմ ոչ մի մեղադրանք չի առաջադրվել, կատարվում է հետաքննություն:
