29.06.2026 | 10:53
Կիևյանում ահռելի գործ է արվում, եթե վերջում ասֆալտի հարց ունեցանք, գումար չենք տալու. Ավինյան․ ՏԵՍԱՆՅՈՒԹ
Լավրովն արձագանքել է Սև ծով նավ ուղարկելու ԱՄՆ որոշմանը
Քաղաքականություն
31.10.2021 | 20:59
ԱՄՆ ռազմածովային ուժերի (ՌԾՈՒ) դրոշի ցուցադրումը աշխարհում իրավիճակն ավելի կայուն չի դարձնում։ Այս մասին հայտարարել է Ռուսաստանի ԱԳ նախարար Սերգեյ Լավրովը, հաղորդում է ՏԱՍՍ-ը:
Այս կերպ ԱԳ նախարարն արձագանքել է ՆԱՏՕ-ի հետ համատեղ գործողությունների շրջանակներում Mount Whitney նավը Սև ծով ուղարկելու ԱՄՆ որոշմանը:
«Եղել է մի քանի անգամ, երբ ԱՄՆ-ն բացահայտորեն հայտարարել է, որ անհրաժեշտ է, որ իր ռազմանավերը մտնեն այս ջրային տարածք՝ Ռուսաստանին զսպելու և Սև ծովում Ռուսաստանից ամերիկյան դաշնակիցների համար ռիսկերի ստեղծումը կանխելու համար։ Դա, իհարկե, կայունություն չի ավելացնում»,- հայտարարել է նա։
Ավելի վաղ ԱՄՆ-ը հայտարարել էր Սև և Միջերկրական ծովերում ռազմածովային գործողությունների անցկացման մասին: Հայտարարության համաձայն ՝ գործողությունների անցկացման համար պատասխանատու կլինեն ԱՄՆ-ի ռազմածովային ուժերի 6-րդ նավատորմի, ինչպես նաև ռազմածովային հարվածային ուժերի և ՆԱՏՕ-ի աջակցության ուժերի շտաբը:
