30.07.2026 | 11:33
Ժաննա Անդրեասյանը հետևել է Ծիծեռնակաբերդի հիմնանորոգման ընթացքին․ կվերանորոգվի Հավերժության տաճարի ևս երեք մույթ
Էրդողանի հետ զրույցում Բայդենն անհանգստություն է հայտնել Թուրքիայում С-400-ի առկայության վերաբերյալ
Քաղաքականություն
31.10.2021 | 16:59
ԱՄՆ-ի նախագահ Ջո Բայդենը Թուրքիայի նախագահ Թայիպ Էրդողանի հետ զրույցում անհանգստություն է հայտնել Թուրքիայում ռուսական С-400 համակարգերի առկայությամբ, գրում է Ռիա Նովոստին։
Երկու երկրների նախագահների հանդիպումը տեղի է ունեցել Հռումում G20-ի գագաթնաժողովի շրջանակներում։
«Նախագահ Բայդենը վերահաստատել է մեր գործընկերությունը պաշտպանության ոլորտում և Թուրքիայի կարևորությունը որպես ՆԱՏՕ-ի դաշնակցի, սակայն անհանգստություն է հայտնել Թուրքիայում ռուսական С-400 համակարգերի հետ կապված»,-ասվում է Սպիտակ տան՝ երկու երկրների ղեկավարների հանդիպման վերաբերյալ պաշտոնական հաղորդագրության մեջ։
Կայքը հիշեցնում է, որ Ռուսաստանն ու Թուրքիան 2017-ին պայմանագիր էին կնքել С-400 հրթիռային համակարգերի գնման հետ կապված, և մատակարարումները տեղի էին ունեցել 2019թ․ ամռանն ու աշնանը։
