08.06.2026 | 21:45
Ջրվեժի գերեզմանատան մոտ մեքենա է այրվել
Էրդողանը Թուրքիան առաջնորդում է դեպի ավելի խորը քաղաքական ու տնտեսական ճգնաժամ․ Bloomberg
Քաղաքականություն
29.10.2021 | 22:09
Թուրքիայի նախագահ Ռեջեփ Թայիփ Էրդողանն իր երկիրն առաջնորդում է դեպի ավելի խորը քաղաքական ու տնտեսական ճգնաժամ։ Նման կարծիք է հայտնել Bloomberg-ի խմբագիր Բոբի Գոշը հրապարակված հոդվածում։
Գոշը գրում է, որ արևմտյան 10 երկրների դեսպաններին արտաքսելու՝ Էրդողանի վերջին սպառնալիքը ցույց է տալիս, որ տնտեսական ու քաղաքական ճգնաժամի պայմաններում Թուրքիայի նախագահի իշխանության վրա հավասարակշռության զսպող քիչ գործոններ կան։
Հեղինակը նշում է, որ իրավապաշտպան Օսման Քավալայի գործը արևմտյան երկրների համար լակմուսի թուղթ է՝ Թուրքիայի արդարադատության համակարգի ու օրենքի գերակայության համար, 2016թ․ ձախողված ռազմական հեղաշրջումից հետո Էրդողանի՝ ժողովրդավարական ինստիտուտների վրա հարձակումներից հետո։
Դեսպանների արտաքսման գործընթացը դադարեցվեց, երբ նրանք հայտարարեցին, որ հավատարիմ են Վիեննային կոնվենցիայի 41-րդ հոդվածին ու չեն խառնվում ընդունող երկրի ներքին գործերին։
Հեղինակը գրում է, որ սպառնալիքի առկայությունը ներկայացնում է «միջուկային տարբերակի դիվանագիտական համարժեքը, որը ցույց է տալիս Էրդողանի իշխանության նկատմամբ սահմանափակումների բացակայությունը։
«Կառավարության բարձրագույն օղակներում չկար որևէ մեկը, որը նախագահին կզսպեր, և հետևանքները լիովին կանխատեսելի էին»,- գրում է Գոշը։
Թուրքական լիրան էլ մյուս կողմից շարունակում է արժեզրկվել դոլարի նկատմամբ։ Գոշը նշում է, որ Քավալայի շուրջ ծագած վեճը կարող է լինել վերջին փորձը՝ ուշադրությունը շեղելու ազգային արժույթի արժեզրկումից և Էրդողանի նվազող վարկանիշից։
«Սա Թուրքիայի համար վտանգավոր է, որին անհրաժեշտ է կայուն ձեռք, որը կղեկավարի երկիրը տնտեսական և աշխարհաքաղաքական տուրբուլենտության պայմաններում»,- նշում է հոդվածագիրը։
Էմմա Չոբանյան
