28.10.2026 | 14:53
Կատարի միջնորդներն Իրանին ԱՄՆ-ի հետ պատերազմը դադարեցնելու նոր համաձայնագրի նախագիծ են ներկայացրել
Եթե այս օրենքը գործեր, «ՎիքիԼիքսից» հրապարակում անել չէր թույլատրվի․ Մանուկյանը՝ Հովհաննիսյանին․ ՏԵՍԱՆՅՈՒԹ
Քաղաքականություն
28.10.2021 | 15:42
«Զանգվածային լրատվության մասին» օրենքում փոփոխություն կատարելու վերաբերյալ մասնագիտական խմբերի հետ քննարկումներ եղե՞լ են։ ԱԺ «Քաղաքացիական պայմանագիր» խմբակցության պատգամավոր Արթուր Հովհաննիսյանին այս հարցն ուղղեց «Հայաստան» խմբակցության պատգամավոր Գեղամ Մանուկյանը։
Պատգամավորը հետաքրքրվեց՝ արդյո՞ք նախագիծը քննարկվել է օրինակ Մեդիա նախաձեռնությունների կենտրոնի, Երևանի մամուլի ակումբի, ժուռնալիստների միության հետ։
Արթուր Հովհաննիսյանը պատասխանեց, որ հիշատակվածներից մի քանիսի հետ քննարկումներ չեն եղել։
«Երևանի մամուլի ակումբի ղեկավարի, Խոսքի ազատության պաշտպանության կոմիտեի ղեկավարի և մի շարք այլ գործընկերների հետ քննարկումներ եղել են։ Մենք ունենք Եվրոխորհրդարանի մեր գործընկերների եզրակացությունը, ԵԱՀԿ մեր գործընկերների եզրակացությունը»,- ասաց պատգամավորը։
Մանուկյանի ճշգրտող հարցին, որ Երևանի մամուլի ակումբի նախագահ Բորիս Նավասարդյանի հետ քննարկվել է ու նա դրական կարծի՞ք է հայտնել՝ Հովհաննիսյանը պատասխանեց. «Ես չասացի դրական կարծիք է եղել, քննարկել ենք»։
Մանուկյանը հայտարարեց, որ այս օրինագծի տրամաբանությամբ, եթե «ՎիքիԼիքսի» հայկական տարբերակ հրապարակվեր, ապա ԶԼՄ-ները փաստորեն չէին կարող օգտվել, քանի որ անանուն է։
Արթուր Հովհաննիսյանը նշեց, որ չեն արգելում լրատվամիջոցին որևէ աղբյուրի վրա հղում կատարել, բայց խնդիրը բովանդակությունն է, պատասխանատվությունը կրելու է կոնկրետ ԶԼՄ-ն։
Մանրամասները՝ տեսանյութում:
