18.12.2025 | 23:24
ՀՀ տարածքում ավտոճանապարհները հիմնականում անցանելի են
Փաշինյանը Հոկտեմբերի 27-ի գործով կարող է իմանալ այն գաղտնիքները, որոնք մեզ հասու չեն. Արամ Սարգսյան. ՏԵՍԱՆՅՈՒԹ
Քաղաքականություն
27.10.2021 | 20:30
«Հանցագործության կատարողները գտնվում են բանտում: Հանցագործության հենց հաջորդ օրը այդ ժամանակվա իշխանությունները հայտարարեցին, որ այդ հինգն են ու վերջ, և որ դա «ուչաստկովի» գործ է: Ամեն ինչ արեցին, որ նախաքննական և դատական գրծընթացները գնան նման հունով»,- այս մասին Factor.am-ի հետ զրույցում նշեց նախկին վարչապետ Արամ Սարգսյանը՝ անդրադառնալով դիտարկմանը, որ Հոկտեմբերի 27-ի ոճրագործությունից անցել է 22 տարի, բայց հանրությունն այդ մասին ունի այնքան տեղեկություն, որքան ուներ 1999-ին. հանցագործությունը մինչև վերջ բացահայտված չէ:
«Հանրության մեծ մասը, այդ թվում նաև ես կասկածներ ունեմ, որ այդ գործն «ուչաստկովի» չէ, ունի կազմակերպիչներ:
Ես համոզված եմ, որ Հոկտեմբերի 27-ով դրվեց մեր այսօրվա պարտության սկիզբը: Ավելին՝ համոզված եմ, որ այդ խնդիրը Մեղրիի փոխանակման տարբերակով Արցախի հարցի լուծման ենթատեքստում էր, որովհետև այսօր էլ Ալիևը չի թաքցնում, որ իրենց հետաքրքրող միակ հարցը դա է:
Այստեղ արտաքին քաղաքական գործոնը կար: Այդ կարծիքին էր նախկին վարչապետ Անդրանիկ Քոչարյանը, ԱԺ նախկին նախագահ Գալուստ Սահակյանը, որոնք հայտարարել են, որ Հոկտեմբերի 27-ի կազմակերպիչները արտաքին քաղաքական են:
Այդ կարծիքին է նաև վարչապետ Նիկոլ Փաշինյանը, որն ի պաշտոնե կարող է իմանալ այն գաղտնիքները, ինչը սովորական մահկանացուներին հասու չէ: Փաշինյանն ասել է, որ Վազգեն Սարգսյանը և Կարեն Դեմիրճյանն իրենց կյանքով կասեցրին Մեղրիի տարբերակով Արցախի հիմնահարցի լուծումը: Արտաքին պատվիրատուի խնդիրն է, որ պետական մարմինները պետք է կարողանան լուծել»,- նշեց Սարգսյանը՝ հավելելով, որ Ռուսաստանից կախվածության պայմաններում անհնարին է համարում այդ խնդրի բացահատումը, անգամ քննչական գործողություններ ծավալելը՝ թեկուզ ճշտելու համար Լիտվինենկոյի հայտարարությունն այն մասին, որ Հոկտեմբերի 27-ը կազմակերպել են ռուսական հատուկ ծառայությունները:
Մանրամասները՝ տեսանյութում:
