23.08.2026 | 13:14
ԱՄՆ դատարանը չեղարկել է Պետդեպարտամենտի՝ 75 երկրների քաղաքացիների ներգաղթային վիզաների տրամադրումն արգելող որոշումը
ԱՄՆ-ում փորձագետները խորհուրդ են տվել BioNTech/Pfizer պատվաստանյութը կիրառել 5-11 տարեկան երեխաների համար
Քաղաքականություն
27.10.2021 | 22:32
Անկախ փորձագետների խումբը ԱՄՆ-ի Սննդի և դեղորայքի որակի սանիտարական վերահսկման վարչությանն (FDA) առաջարկել է թույլատրել BioNTech/Pfizer պատվաստանյութի օգտագործումը 5-11 տարեկան երեխաներին պատվաստելու համար: Որոշումն ընդունվել է ձայների ճնշող մեծամասնությամբ, գրում է DW-ի ռուսական ծառայությունը։
Փորձագիտական հանձնաժողովի անդամները միակարծիք են եղել, որ պատվաստման առավելությունները գերազանցում են դրա հետ կապված ռիսկերը։
Նշենք, որ FDA-ը պարտավորված չէ հետևել արտաքին փորձագետների խորհուրդներին, սակայն սովորաբար հաշվի է առնում նրանց կարծիքը։ Կարգավորիչը երեխաների պատվաստման մասին որոշում կկայացնի հաջորդ մի քանի օրերի ընթացքում։ Եթե որոշում կայացվի պատվաստանյութը հաստատելու վերաբերյալ, ապա նոյեմբերի սկզբին այս հարցը կդիտարկեն հիվանդությունների վերահսկման ու կանխարգելման կենտրոնները (CDC)։
Pfizer և BioNTech ընկերությունների ներկայացուցիչները հայտարարել են, որ իրենց պատվաստանյութի արդյունավետությունը 5-11 տարեկան երեխաների շրջանում կորոնավիրուսային վարակի կանխման հարցում գերազանցում է 90%-ը։
Տաթև Ֆռանգյան
