14.12.2024 | 12:52
NYMEX. Թանկարժեք մետաղների գները նվազել են
Բաքվում Իսրայելի դեսպանը հայտարարել է, որ ոչ մի երրորդ երկիր չի կարող միջամտել Ադրբեջանի հետ հարաբերություններին
Քաղաքականություն
26.10.2021 | 23:02
Ադրբեջանում Իսրայելի դեսպան Ջորջ Դիքը հերթական հայտարարությամբ է հանդես եկել: Մասնավորապես, թվիթերյան իր էջում դեսպանը գրել է, որ Իսրայելի և Ադրբեջանի միջև հարաբերությունների զարգանում ու բարգավաճում են, և դա ուրախալի է տեսնելը, փոխանցում են ադրբեջանական լրատվամիջոցները։
Իսրայելցի դիվանագետը նաև տեսաուղերձ է հրապարկել։
«Մենք գնահատում ենք այդ ընկերությունը և գոհ ենք, որ այն ամրապնդվում է։ Իսրայելի տաղավարը Rebuild Karabakh ցուցահանդեսին դրա խորհրդանիշն է։ Ոչ մի երրորդ երկիր, ոչ մեկը չի կարող միջամտել կամ խոչընդոտել մեր հարաբերություններին։ Մեր համագործակցության հիանալի ապագայի և Իսրայելի ու Ադրբեջանի միջև ավելի սերտ համագործակցության հույս ունեմ»,- ասել է Իսրայելի դեսպանը։
Ըստ երևույթին, երրորդ երկրների մասին խոսելիս դեսպանն առաջին հերթին նկատի ունի պաշտոնական Թեհրանին, որը Ադրբեջանին մեղադրում է «սիոնիստական ռեժիմի հետ համագործակցության ու Իրանի սահմանին նրանց ուժերի տեղակայման մեջ»։
Էմմա Չոբանյան
