28.10.2026 | 17:17
Զորավարժարաններից մեկում վրանային մեծ ավան է կառուցվում․ Սուրեն Պապիկյան․ ՏԵՍԱՆՅՈՒԹ
ՊՆ-ի «ԿամԱԶ»-ը վրաերթի է ենթարկել հետիոտնին․ նա մահացել է
Հասարակություն
26.10.2021 | 19:36
Այսօր՝ ժամը 15։10-ի սահմաններում, «ԿամԱԶ» մակնիշի ավտոմեքենան Սեբաստիա փողոցում՝ «Երևան սիթի» սուպերմարկետի հարևանությամբ, վրաերթի է ենթարկել մոտ 75-ամյա տղամարդու։
Ոստիկանության հասարակայնության հետ կապի և լրատվության վարչության ԶԼՄ հետ կապի, վերլուծության և լրատվության բաժնի պետ Զարզանդ Գաբրիելյանը Factor.am-ին հայտնեց, որ վարորդն օգնել է վրաերթի ենթարկվածին տեղափոխել «Աստղիկ» բժշկական կենտրոն, որտեղ էլ կարճ ժամանակ անց տղամարդը մահացել է։
Նշենք, որ ըստ shamshyan.com-ի` «ԿամԱԶ»-ը հաշվառված է ՀՀ ՊՆ հաշվեկշռում, վարորդն էլ ՀՀ ՊՆ ծառայող է։ Իրավապահները պարզում են վարորդի և մահացածի ինքնությունը։
Արփի Հակոբյան
Լուսանկարը՝ Shamshyan.com-ի։
