18.01.2026 | 13:09
Նույն ընտանիքից զորակոչվեցին երկու ժամկետային զինծառայող՝ իգական և արական սեռի
Աշխարհը COVID-19-ի համաճարակը հաղթահարելու բոլոր անհրաժեշտ գործիքներն ունի․ ԱՀԿ ղեկավար
Քաղաքականություն
25.10.2021 | 22:51
Առողջապահության համաշխարհային կազմակերպության ղեկավար (ԱՀԿ) Թեդրոս Ադանոմ Գեբրեյեսուսը կոչ է արել երկրներին՝ մինչև տարեվերջ հասնել կորոնավիրուսի դեմ պատվաստումների 40%-ի: Նա կարծում է, որ աշխարհն ունի բոլոր անհրաժեշտ գործիքները՝ COVID-19-ի համաճարակը հաղթահարելու համար, բայց դրանք ամբողջությամբ չի օգտագործում։ Այս մասին ԱՀԿ ղեկավարը հայտարարել է Բեռլինում Առողջապահության համաշխարհային գագաթնաժողովի ժամանակ, հաղորդում է korrespondent-ը։
«Համաճարակը կավարտվի, երբ աշխարհը որոշի վերջ տալ դրան: Դա մեր ձեռքերում է»,- ընդգծել է Գեբրեյեսուսը:
Նրա խոսքով՝ համաշխարհային հանրությունն ունի «բոլոր անհրաժեշտ գործիքները», այդ թվում՝ բժշկական՝ համաճարակը հաղթահարելու համար։
Գեբրեյեսուսը հիշեցրել է, որ ԱՀԿ-ի նպատակն է՝ մինչև 2021 թվականի վերջ կորոնավիրուսի դեմ պատվաստել յուրաքանչյուր երկրի բնակչության առնվազն 40%-ին, սակայն դա հնարավոր է «միայն այն դեպքում, եթե պատվաստանյութերի մատակարարումը վերահսկող երկրների և ընկերությունների հայտարարությունները համապատասխանեն իրենց գործին։
«G20-ի երկրները պետք է անհապաղ կատարեն իրենց ստանձնած պարտավորությունները և կիսվեն պատվաստանյութերով։ Արտադրողները պետք է առաջնահերթությունը տան և շտապ կատարեն COVAX-ի և AVAT-ի հետ իրենց պայմանագրերը»,- ասել է Գեբրեյեսուսը:
Տաթև Ֆռանգյան
