16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Վոլոդյա Ավետիսյանին փորձում են սադրե՞լ. նստացույց անող ազատամարտիկները ահազանգում են
Քաղաքականություն
28.03.2018 | 17:45
Ազատության հրապարակում մարտի 21-ից նստացույց անող ազատամարտիկ Վոլոդյա Ավետիսյանն ահազանգում է, որ իրեն են մոտենում տարբեր մարդիկ ու բռնության, զենքի ուժով հարցեր լուծելու առաջարկներ անում․ «Ես բոլորին ասել եմ ու կրկնում եմ՝ զենքի գործադրմամբ կամ բռնությամբ հարց լուծելու կողմնակից չեմ»։
Ազատամարտիկը հայտնեց, որ իրեն և ընկերներին հետևում են․ «Տուն գնալիս նկատել եմ հետևիցս մեքենա է գալիս, միայն երեկ բավականին ուշ ժամի էի գնում, չկար, իսկ մնացած օրերին նկատել եմ»։
Նստացույցի մասնակից, ազատամարտիկ Յուրա Աթոյանն էլ ասաց, որ երեկ իրեն փակ համարից զանգել են ու հորդորել լքել Ազատության հրապարակը:
«Փակ համարից զանգեցին, սպառնացին, ասացին՝ քեզ հաշված օրեր են մնացել, ասեցի՝ աչքս լույս, իսկ ինչո՞վ է պայմանավորված, հաստ ձայնով տղամարդն ինձ ասաց՝ աշխատի Օպերայի կողմերը շատ չերևաս, հայհոյեցի ու կախեցի լսափողը»,- պատմեց ազատամարտիկը։
Նշենք, որ նստացույցի մասնակիցները պայքարում են Սերժ Սարգսյանի՝ երրորդ ժամկետով իշխանության գալու դեմ։ Նրանք պահանջում են նաև ազատ արձակել Հայաստանի ՔԿՀ-ներում պահվող քաղբանտարկյալներին։
Լիլիթ Շաբոյան
