23.08.2026 | 14:26
Վթարային ջրանջատում Երևանում
Էրդողանը հայտարարել է, թե «Զանգեզուրի միջանցքի» բացման հարցում Անկարայի դիրքորոշումը չի փոխվել
Քաղաքականություն
21.10.2021 | 17:08
Թուրքիայի նախագահ Ռեջեփ Թայիփ Էրդողանը լրագրողների հետ զրույցում հայտնել է, որ հոկտեմբերի 26-ին այցելելու է Ադրբեջան և մասնակցելու է Արցախի գրավյալ Վարանդայում օդանավակայանի բացմանը։
«Ծրագրում Բաքուն չկա, սակայն մենք օդանավակայան ենք բացելու։ Այդ հարցը քննարկել ենք իմ եղբոր՝ Իլհամ Ալիևի հետ։ Այդ օրվա ծրագիրը, օդանավակայանի բացումից զատ, ներառում է նաև մի շարք ավտոճանապարհների և գյուղատնտեսական օբյեկտների բացում նույն տարածքում»,- ասել է Էրդողանը, որի խոսքերն են փոխանցում ադրբեջանական լրատվամիջոցները։
Նա նաև խոսել է, այսպես կոչված, «Զանգեզուրի միջանցքի» մասին՝ հայտարարելով, թե Անկարայի դիրքորոշումն այդ միջանցքի բացման հարցում չի փոխվել։
«Մենք նույնքան վճռական ենք «Զանգեզուրի միջանցքի» բացման հարցում, ինչպես նախկինում»,- ասել է Թուրքիայի նախագահը՝ հավելելով, որ կշարունակեն օգնել Ադրբեջանին նաև Արցախի գրավյալ տարածքների ականազերծման հարցում։
Էմմա Չոբանյան
