29.06.2026 | 15:40
Սեդա Սաֆարյանի հարցադրումը պնդո՞ւմ էր. հարց Սուրեն Գրիգորյանին․ ՏԵՍԱՆՅՈՒԹ
Էրդողանը սպառնացել է երկրից վտարել 10 երկրի դիվանագետների, այդ թվում՝ ԱՄՆ դեսպանին
Քաղաքականություն
21.10.2021 | 16:16
Թուրքիայի նախագահ Ռեջեփ Թայիփ Էրդողանը սպառանցել է երկրից վտարել 10 երկրի դեսպանների, այդ թվում՝ ԱՄՆ դեսպանին, որոնք կոչ են արել ազատ արձակել իրավապաշտպան Օսման Քավալային։ Այս մասին գրում է ՌԻԱ Նովոստին։
Նշենք, որ օրերս Անկարայում 10 երկրների՝ ԱՄՆ-ի, Կանադայի, Ֆրանսիայի, Ֆինլանդիայի, Դանիայի, Գերմանիայի, Նիդերլանդների, Նոր Զելանդիայի, Նորվեգիայի, Շվեդիայի դեսպանությունները համատեղ հայտարարություն էին տարածել, որով կոչ էին անում հետևել ՄԻԵԴ վճռին և ազատ արձակել բարերար, ակտվիստ Օսման Քավալային։ Այնուհետ այս երկրների դեսպաններն ու ներկայացուցիչները հրավիրվել էին Թուրքիայի ԱԳՆ։
«Ինչո՞ւ են այդ 10 դեսպանները նման հայտարարություններ անում։ Ես ասացի մեր ԱԳՆ-ին, որ շքեղություն չունենք նրանց մեր երկրում ընդունելու։ Մի՞թե Թուրքիային դասեր տալը ձեր գործն է։ Ո՞վ եք դուք, թողե՛ք Քավայալին։ Ձեր սեփական երկրներում մարդասպաններին, ահաբեկիչներին ու բանդիտներին թողնո՞ւմ եք։ Նրանք միշտ պատասխանում են՝ «Դատարանն անկախ է»։ Այսինքն՝ ձեր դատարանն անկախ է, մերն անկախ չէ՞։ Մեր դատարանն անկախության լավագույն օրինակն է ցույց տալիս»,- ասել է Էրդողանը Աֆրիկյան երկրներ կատարած այցից վերադառնալիս օդանավում թուրք լրագրողների հետ զրույցում։
Նշենք, որ Թուրքիայի իշխանություններն Օսման Քավալային մեղադրում են 2016 թվականի ռազմական հեղաշրջման փորձին մասնակցության և Գյուլենական շարժման հետ կապերի մեջ։
Էմմա Չոբանյան
