25.04.2026 | 15:08
Ըմբշամարտի ԵԱ․ Արսեն Հարությունյանը երկու տպավորիչ հաղթանակով դուրս եկավ կիսաեզրափակիչ
Թուրքիան զենք և նյութատեխնիկական աջակություն է ուղարկել Սիրիայում ծայրահեղականներին
Քաղաքականություն
21.10.2021 | 15:10
Թուրքական զինված ուժերի շարասյունը՝ բաղկացած մի քանի տասնյակ մեքենաներից, զենք և նյութատեխնիկական աջակցություն է տրամադրել Սիրիայի Իդլիբ նահանգի հյուսիսարևմտյան շրջանում ծայրահեղական խմբավորումներին։ Այս մասին գրում է սիրիական SANA գործակալությունը:
Աղբյուրի տվյալների համաձայն՝ «մեքենաների երկու խումբ՝ ներառյալ բեռնատարներ ու ռազմական մեքենաներ, Սիրիայի տարածք են մտել Թուրքիայի հետ սահմանին գտնվող Քաֆր Լյուսին բնակավայրի կողմից»:
Ընդհանուր առմամբ, Իդլիբ է շարժվել 31 մեքենա՝ զենքով, զինամթերքով և նյութատեխնիկական միջոցներով, որոնք նախատեսված են Իդլիբ քաղաքում և համանուն նահանգի որոշ շրջաններում կենտրոնացած ծայրահեղական խմբավորումների համար։
2017 թվականին Սիրիայի հյուսիս-արևմուտքում ստեղծվել է ապաէսկալացիայի գոտի, որտեղ զինյալները, որոնք հրաժարվում էին վայր դնել զենքը, Դամասկոսի մերձակայքում և երկրի հարավային շրջաններում կառավարական բանակի գործողություններից հետո, դուրս էին մղվել այդ վայրեր: 2020 թվականի մարտի 6-ից Ռուսաստանի և Թուրքիայի միջև ձեռք բերված պայմանավորվածություններից հետո այնտեղ գործում է հրադադարի ռեժիմ։ Այդուհանդերձ, Թուրքիայի կողմից կռվող ընդդիմադիր խմբերը և «Ջաբհաթ ան-Նուսրա» խմբավորման ահաբեկիչները պարբերաբար խախտում են հրադադարը՝ հրետակոծելով սիրիական բանակի դիրքերը և խաղաղ բնակավայրերը:
Տաթև Ֆռանգյան
