07.03.2026 | 11:36
RAF-ը հաստատել է Արման Ծառուկյանի և Ջորջիո Պուլասի ռևանշ մենամարտը
Ալիևը հայտարարել է, որ դատական գործընթաց են սկսել Զանգելանի ոսկու հանքը շահագործած օտարերկրյա ընկերությունների դեմ
Քաղաքականություն
21.10.2021 | 14:29
Ադրբեջանի նախագահ Իլհամ Ալիևը հայտարարել է, որ արդեն իսկ դատական գործընթաց է սկսվել Արցախի գրավված Կովսականում (Զանգելան) օտարերկրյա ընկերությունների դեմ՝ այնտեղ «անօրինական գործունեություն իրականացրելու համար», հաղորդում են ադրբեջանական լրատվամիջոցները։
««Վեժնելիի» ոսկու հանքավայրը անօրինական շահագործվել է հայերի կողմից՝ արտասահմանյան ընկերությունների հետ միասին։ Մենք այդ ընկերությունների դեմ դատական գործընթացներ ենք սկսել»,- ասել է Ալիևը Կովսական կատարած այցի ժամանակ։
Ալիևը նաև նշել է, որ ներկայում գլխավոր խնդիրներից մեկն էլ գետերի մաքրումն է ինտենսիվ աղտոտումից։
Հավելենք, որ ադրբեջանական կողմը բազմիցս է հայտարարել Արցախում հանքարդյունաբերությամբ զբաղվող ընկերությունների դեմ դատական գործընթացներ սկսելու մասին, սակայն փաստացի դեռևս որևէ դատական գործընթաց չի սկսվել, Բաքուն դեռ որևէ միջազգային դատական ատյանի չի դիմել։
Էմմա Չոբանյան
