18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
Իլհամ Ալիևը կնոջ հետ այցելել է Արցախի գրավյալ Կովսական և խոսել վերաբնակեցման ժամկետների մասին․ ԼՈՒՍԱՆԿԱՐՆԵՐ
Քաղաքականություն
21.10.2021 | 13:36
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ այցելել է Արցախի գրավյալ Կովսական։ Ադրբեջանական լրատվամիջոցների փոխանցմամբ՝ Ալիևները ծանոթացել են Աղաձոր գյուղում «Խելացի գյուղ» ծրագրի շրջանակում իրականացվող աշխատանքներին, Կովսականի օդանավակայանի շինաշխատանքներին, Պետական սահմանապահ ծառայության զորամասի համալիրում ստեղծված պայմաններին, ինչպես նաև մասնակցել Կովսականի թվային ենթակայանի հիմնարկեքին։
Այցի ընթացքում Իլհամ Ալիևը խոսել է տարածքի վերաբնակեցման ժամկետների մասին։
««Խելացի գյուղի» առաջին ծրագիրն իրականացվում է Զանգելանի շրջանում։ Որոշ շենքեր արդեն պատրաստ են, և մենք կփորձենք սկսել զանգիլանցիների վերաբնակեցումը հաջորդ տարվա սկզբին կամ, միգուցե, այս տարվա վերջին»,- ասել է Ալիևը։
Նա նաև հայտնել է, որ մշակվում է Կովսականի գլխավոր հատակագիծը, այն կներկայացվի առաջիկայում։
Էմմա Չոբանյան
