18.01.2026 | 16:17
Կյանքից հեռացել է ճարտարապետության դոկտոր, պրոֆեսոր Մուրադ Հասրաթյանը
ՄԱԿ-ի ներկայացուցիչն Աֆղանստանում հանդիպումներ է անցկացրել կին ակտիվիստների հետ
Քաղաքականություն
21.10.2021 | 21:01
Աֆղանստանին օգնության կազմակերպության առաքելությունում ՄԱԿ-ի գլխավոր քարտուղարի հատուկ ներկայացուցչի տեղակալ Մետտե Կնուդսենը Քաբուլում հանդիպումներ է անցկացրել աֆղան ակտիվիստների հետ և կոչ արել պահպանել երկրում կանանց աշխատանքի և կրթության իրավունքները:
«Մետտե Կնուդսենը Քաբուլում հանդիպել է ակտիվիստ կանանց հետ: Նա խորը մտահոգություն է հայտնել, որ Աֆղանստանում տնտեսական ճգնաժամը, հավանաբար, կուժեղանա, եթե մարդու հիմնարար իրավունքները չպահպանվեն: Կանայք պետք է կարողանան վերադառնալ աշխատանքի, իսկ աղջիկները՝ դպրոց»,- ասվում է Twitter-ում առաքելության տարածած հայտարարությունում:
Հիշեցնենք, որ ավելի վաղ «Թալիբան»-ը խոստացել էր, որ կանանց իրավունքները կպաշտպանվեն, բայց իսլամի շրջանակում, խոստացել էր նաև կանանց համար համապատասխան կանոններ մշակել՝ իրենց աշխատանքային գործունեությունն իրականացնելու համար: Շատ կանայք ցույցեր են անցկացրել Աֆղանստանի մի քանի քաղաքներում՝ կոչ անելով նոր իշխանություններին հարգել իրենց իրավունքները և ապահովել իրենց ներկայացվածությունը կառավարությունում ու տեղական ինքնակառավարման մարմիններում։
Տաթև Ֆռանգյան
