07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
ԱՀԿ-ն նախազգուշացնում է, որ համաճարակը կարող է շարունակվել նաև 2022-ի ընթացքում
Քաղաքականություն
21.10.2021 | 12:59
Առողջապահության համաշխարհային կազմակերպության գլխավոր խորհրդական Բրյուս Այլվարդը BBC-ին ասել է, որ կորոնավիրուսային համաճարակը «միանշանակ կարող է շարունակվել 2022 թվականի զգալի մասում», քանի որ աշխարհի ամենաաղքատ երկրները բավարար պատվաստանյութեր չեն ստանում: ԱՀԿ ներկայացուցիչը բացատրել է, որ զարգացած երկրները չեն կատարում աղքատ երկրներին պատվաստանյութերի տրամադրման ծրագրի շրջանակում իրենց պարտավորությունները:
Մինչ աշխարհի շատ երկրներում բնակչության մոտ 40%-ը և ավելին պատվաստված է, Աֆրիկայում այդ ցուցանիշը միայն 5% է: Ըստ բարեգործական կազմակերպությունների հաշվարկների՝ մոլորակի ամենաաղքատ մարդկանց խոստացված պատվաստանյութի յոթ դեղաչափերից միայն մեկն է իրականում հասնում նպատակին:
«Ես կարող եմ ձեզ վստահ ասել, որ մենք գլուխ չենք բերում։ Մենք իսկապես պետք է արագացնենք, հակառակ դեպքում գիտեք՝ ինչ կլինի․ այս համաճարակը կտևի մեկ տարի ավելի երկար, քան պետք է տևեր»,- ասում է Այլվարդը:
Աշխարհի ամենաաղքատ երկրների պատվաստումների Covax ծրագիրը նախատեսում էր մինչև տարեվերջ հատկացնել դեղամիջոցի 2 միլիարդ դեղաչափ, սակայն մինչ այժմ այն կարողացել է ուղարկել ընդամենը 371 միլիոն դեղաչափ:
Իսկ մինչ այդ, աշխարհում շարունակում է աճել կորոնավիրուսի տարածման թվերը։
Տաթև Ֆռանգյան
