29.04.2024 | 16:07
Ֆրանսիայի ոստիկանությունը ձերբակալել է Ժերար Դեպարդիեին
Ադրբեջանը Արցախի գրավյալ Թութխունի ոսկու հանքում նախնական հետախուզական աշխատանքներ է սկսել
Քաղաքականություն
20.10.2021 | 15:48
Ադրբեջանական Azergold ընկերությունը նախնական հետախուզական աշխատանքներ է սկսել Արցախի գրավյալ Շահումյանի շրջանի Թութխունի ոսկու-մետաղային հանքում։ Այս մասին հայտնել է AzerGold-ի մամուլի հետ կապերի բաժնի ղեկավար Արիզ Թարվերդիևը, գրում են տեղական լրատվամիջոցները։
«Ենթադրաբար, այստեզ կան ոսկու, արծաթի և պղնձի պաշարներ։ Հանքավայրը բացվել է 1958 թվականին»,- ասել է նա։
Ընկերության ներկայացուցիչը նշել է, որ AzerGold-ի հետախուզական աշխատանքների ծրագրի համաձայն՝ սկզբնական փուլում կատարվելու է գնահատում և հեռակա ուսումնասիրություն։
«Արբանյակի միջոցով կատարվող հիպերսպեկտրալ նկարահանմանը զուգահեռ՝ անցկացվում են նախնական գնահատումներ արխիվային երկրաբանական նյութերի հավաքման, համակարգման, թվայնացման ուղղությամբ: Հաջորդ տարվա ապրիլից նախատեսվում է իրականացնել լայնածավալ հետախուզական աշխատանքներ»,- ասել է Արիզ Թարվերդիևը։
Էմմա Չոբանյան
