25.04.2026 | 15:08
Ըմբշամարտի ԵԱ․ Արսեն Հարությունյանը երկու տպավորիչ հաղթանակով դուրս եկավ կիսաեզրափակիչ
Ռումինիայում մոլեգնում է COVID-19-ը․ մահացության ցուցանիշով՝ այն աշխարհում առաջատարն է
Քաղաքականություն
19.10.2021 | 23:30
Ռումինիան մեկ շնչի հաշվարկով COVID -19-ի մահացության ամենաբարձր ցուցանիշներից մեկն է գրանցել:
Ըստ Our World In Data-ի՝ այստեղ մեկ միլիոն բնակչի հաշվարկով գրանցվել է 18,2 մահ։ Այս ցուցանիշով Ռումինիան զիջում է միայն Սենթ Վինսենթին և Գրենադիններին, հայտնում է Euronews-ը:
Հիվանդանոցներն աշխատում են գերծանրաբեռնված։
Բուխարեստում շտապ օգնության մեքենաները հերթ են կանգնում Մատեյ Բալսի ինֆեկցիոն հիվանդանոցի դիմաց, որտեղ անգամ միջանցքներում մահճակալներ են տեղադրված:
Եվրոպական միության երկրներն օգնում են Ռումինիային՝ ուղարկելով COVID-19 դեղամիջոցներ և սարքավորումներ։
Ըստ Our World In Data-ի տվյալների ՝ Ռումինիայի չափահաս բնակչության միայն մեկ երրորդն է ամբողջությամբ պատվաստված COVID-19-ի դեմ:
Մինչ այդ Լատվիայում և Սլովակիայում իշխանությունները կրկին COVID- ի սահմանափակումներ են մտցրել:
Լատվիան մեկ ամսով փակել է դպրոցները, ռեստորանները և ժամանցի վայրերը ՝ COVID -19- ի բռնկման ֆոնին: Մինչև նոյեմբերի 15 -ը կգործի նաև գիշերային պարետային ժամ
Տաթև Ֆռանգյան
