07.11.2024 | 18:32
Ակնայում ադրբեջանցի զինծառայող է ինքնասպան եղել
ՆԱՏՕ-ն գաղտնի զորավարժություններ է սկսել՝ միջուկային պատերազմի դեպքում գործողություններ մշակելու համար
Քաղաքականություն
19.10.2021 | 15:52
Գերմանիայի և ՆԱՏՕ-ի անդամ 13 այլ երկրների զինված ուժերն ամենամյա զորավարժություններ են անցկացնում՝ միջուկային զենքով դաշինքի տարածքը պաշտպանելու համար: «Steadfast Noon» զորավարժություններին մասնակցում են տասնյակ ինքնաթիռներ, այդ թվում՝ միջուկային զենքով համալրված կործանիչներ, սովորական մարտական, ինչպես նաև հետախուզական ինքնաթիռներ, գրում է DW-ի ռուսական ծառայությունը:
Պաշտոնական տվյալների համաձայն՝ զորավարժություններն այս տարի ընթանում են Դաշինքի հարավային շրջանի օդային տարածքում: Սա նշանակում է, որ վարժանքների շրջանակում կարող են կիրառվել ամերիկյան B61 միջուկային ռումբեր, որոնք, ըստ չհաստատված տեղեկությունների, պահվում են Հյուսիսային Իտալիայի Գեդի ռազմական ավիաբազայում:
Միաժամանակ, ՆԱՏՕ-ում անցկացվող զորավարժությունների ճշգրիտ վայրը և այլ մանրամասներ չեն բացահայտվում: Թռիչքային տվյալների գնահատականների համաձայն, որն իրականացրել է միջուկային զենքի հարցերով դանիացի փորձագետ Հանս Քրիստենսենը, գերմանական Tornado կործանիչը վայրէջք է կատարել Գեդիի օդանավակայանում:
Ռազմական փորձագետների կարծիքով՝ «Steadfast Noon» զորավարժությունների ընթացքում կիրականացվի ամերիկյան միջուկային զենքի տեղափոխում ստորգետնյա պահեստարաններից, սակայն ուսումնական թռիչքները կիրականացվեն առանց ռումբերի:
Տաթև Ֆռանգյան
