10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ինչու են մարդիկ խուսափում դիմել հոգեբանի․ պարզաբանում է Խաչատուր Գասպարյանը. ՏԵՍԱՆՅՈՒԹ
Հասարակություն
18.10.2021 | 13:37
Հետպատերազմական շրջանում պետական ֆինանսավորմամբ իրականացվող հոգեբանական աջակցության ծրագրից օգտվելէ մոտ 1200 շահառու, նրանց թիվը մեծ չէ, պատճառներից մեկը հոգեբանական ծառայությունից օգտվելու մշակույթի բացակայությունն է:
«Պատճառներից մեկը այդ խարանի զգացումն է,որ մարդիկ ունեն հոգեբանին դիմելու նկատմամբ, բայց կան նաև մի շարք այլ պատճառներ, օրինակ՝ գիտությունը փաստել է, որ երբեմն տրավման պատահում է մեկ օր, բայց նրա հակազդեցությունն այցելում է ամիսներ կամ տարիներ անց: Մենք գտնվում ենք այդպիսի մի փուլում, որ տրավմաները սկսում են ակտիվանալ: Սկզբնական շրջանում մարդը կորցնում է զգոնությունը և չի կարողանում իրականությունն ընդունել այնպես, ինչպես կա, դա նախնական փուլն է»,- այսօր հրավիրվածասուլիսում նշեց ԵՊԲՀ-ի բժշկական հոգեբանության ամբիոնի վարիչ Խաչատուր Գասպարյանը:
«Մենք ազգովի հնարավորություն չունենցանք հակազդելու, հակադարձելու թշնամուն, և այդ բացասական էներգիան մնացել է մեր ներսում ու կարող է պարպվել մեզանից յուրաքանչյուրի շրջապատի, սիրելի մարդու, ընտանիքի վրա: Կան արդեն այդպիսի դեպքեր:
Գիտական փաստ է այն, որ եթե տրավմայի հետ համապատասխան աշխատանք չկիրառենք, այդ տրավմաները վերածվում են վարքի ապակառուցողական ձևերի, ինչպիսին են ալկոհոլիզմը, խաղամոլությունը և ագրեսիվ վարքի տարաբնույթ դրսևորումների»,- նշեց հոգեբանը՝ կոչ անելով ուղղորդել օգտվելու հոգեբանական ծառայությունից, երբ շրջապատում պատերազմի հետ առնչված որևէ անձ ունի ուշադրության դժվարություններ, տրամադրության փոփոխականություն, տագնապայնություն, անքնություն:
Գասպարյանը վստահեցրեց՝ հոգեբանական ծառայությունը չի վնասելու տուժածին, ընդհակառակը, օգնելու է ավելի արագ վերականգնվել:
Մանրամասները՝ տեսանյութում:
