04.08.2026 | 12:52
Սև ծովում թուրքական նավի վրա ԱԹՍ-ի հարվածից 3 մարդ է վիրավորվել
Տեղեկատվական տեխնոլոգիաների ոլորտում ամեն տարի շուրջ 2 հազար աշխատատեղ թափուր է մնում․ փոխնախարար
Հասարակություն
27.03.2018 | 14:09
«2017 թվականին 29․6 տոկոսով աճ գրանցվեց տեղեկատվական տեխնոլոգիաների ոլորտում։ Հատկանշական է, որ 381 նոր ընկերություն ստեղծվեց, որոնք օգտվում են հարկային արտոնություններից»,- ամփոփելով անցած տարվա գրանցած ցուցանիշներն՝ ասաց ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Ամալյա Եղոյանը։
Փոխնախարարը նշեց, որ այս տարի ծրագրում են մասնավոր համագործակցությունների հնարավորությունները մեծացնել՝ համագործակցելով ինչպես Գյումրիի, Վանաձորի, այնպես էլ Արցախի տեղեկատվական տեխնոլոգիաների կենտրոնների հետ:
«Շատ կարևոր է, որ հենց տրանսպորտի, կապի և տեղեկատվական տեխնոլոգիաների նախարարության համակարգման ներքո է իրականացվում Գյումրու և Վանաձորի տեղեկատվական տեխնոլոգիաների ծրագիրը և անձամբ փորձում եմ մասնավոր ընկերություններին ուղղորդել դեպի մարզեր»,- ասաց Եղոյանը։
Բանախոսը նշեց, ՏՏ-ն այն ոլորտն է, որտեղ կա աշխատողների պահանջարկ․ «Այս ոլորտում թափուր աշխատատեղերն ավելի մեծ թիվ են կազմում, քան առաջարկվող մասնագետների քանակը։ Մենք գրեթե ամեն տարի ունենում ենք մոտ 2000 աշխատատեղ, որոնք չեն համալրվում»։
Մանրամասները՝ տեսանյութում։
