Համաշխարհային էներգետիկ ճգնաժամը խորանում է․ գազի պակասուրդին գումարվել է նաև նավթինը

Վառելիքի համաշխարհային ճգնաժամը չի նվազում, ընդհակառակը, նոր թափ է հավաքում: Հյուսիսային կիսագնդում ձմռան սկսվելուց առաջ բնական գազի սակավությանը և դրա գների հնգապատիկ բարձրացմանն այժմ նաև գումարվել է նավթի պակասը, գրում է BBC-ի ռուսական ծառայությունը:

Գազը թանկացել է համաշխարհային տնտեսության քովիդային քնից արթնանալուց հետո պահանջարկի արագ աճի պատճառով, ինչին գումարվել են նաև ավելի փոքր պատճառների փունջը, կանաչ էներգիայի անցումից մինչև անցյալ տարվա ցուրտ եղանակի պատճառով պահեստներից ողջ պաշարների սպառումը։ Նրանք, ովքեր բավարար քանակությամբ գազ չունեին, ստիպված էին անցնել ավելի կեղտոտ վառելիքի, այդ թվում ՝ ածուխի և նավթամթերքի:

Արդյունքում նավթի պահանջարկը մեկ օրվա համար ավելացել է 500 հազար բարելով, իսկ 2021 թվականի մնացած ամիսներին համաշխարհային պակասուրդը կկազմի ոչ թե 200, այլ 700 հազար բարել մեկ օրում, նախազգուշացրել է Միջազգային էներգետիկ գործակալությունը։ ՕՊԵԿ+-ի անդամ երկրներից մատակարարումների մեծացման ստիպված կլինեն սպասել մինչ հունվար։

Սա վատ նորություն է սպառողների համար, քանի որ էներգիայի ծախսերի աճը հետ է պահում արդյունաբերության վերականգնումը և հարվածում է քաղաքացիների գրպանին, ինչը նրանց ավելի քիչ գումար է թողնում, որպեսզի էլեկտրաէներգիայի վճարները վճարելուց հետո գնեն մնացած ամեն ինչը: Արդյունքում, տնտեսությունը կրում է կրկնակի հարված. աճը դանդաղում է, իսկ գները` շեշտակի բարձրանում:

Տաթև Ֆռանգյան