Քաղաքականություն
15.10.2021 | 23:40
ԱՄՆ-ի իշխանությունները պատրաստ են սկսել 5-ից 11 տարեկան երեխաների պատվաստումը կորոնավիրուսի դեմ։ Այս մասին Սպիտակ տանը ելույթի ժամանակ հայտարարել ԱՄՆ-ի նախագահ Ջո Բայդենը։
ԱՄՆ նախագահի խոսքով՝ երկրում այնքան պատվաստանյութ կա, որ կբավարարի նշված խմբի բոլոր երեխաների պատվաստմանը։
Նա պարզաբանել է, որ իշխանություններն այժմ սպասում են նման որոշման վերջնական հաստատմանը ԱՄՆ Առողջապահության և մարդկային ծառայությունների վարչությանը կից Սննդամթերքի և դեղերի վարչության, ինչպես նաև՝ Հիվանդությունների վերահսկման և կանխարգելման կենտրոնների փորձագետների կողմից:
«Հաջորդ մի քանի շաբաթների ընթացքում նրանք պետք է որոշում կայացնեն»,- ասել է Բայդենը ու խոստացել, որ պատվաստանյութի հավանության արժանանալու դեպքում պատվաստումը կիրականացվի ծնողների համար հարմար ձևով։
Հիշեցնենք, որ սեպտմբերի վերջին Pfizer ընկերությունը հայտարարել է, որ հետազոտությունների արդյունքների համաձայն՝ իր COVID-ի դեմ պատվաստանյութն անվտանգ է 5 տարեկանից սկսած երեխաների համար։
Տաթև Ֆռանգյան
