29.06.2026 | 13:54
Հրդեհ Կապուտանում․ հրշեջ-փրկարարները կանխել են կրակի տարածումը
Բելառուսի տարածքով արդեն ավելի քան 4300 միգրանտ անօրինական կերպով տեղափոխվել է Գերմանիա
Քաղաքականություն
13.10.2021 | 22:45
2021 թվականի օգոստոսից Բելառուսի տարածքով արդեն ավելի քան 4300 միգրանտ անօրինական կերպով տեղափոխվել է Գերմանիա՝ հիմնականում Իրաքից, Սիրիայից, Եմենից և Իրանից: Նրանք ապաստան են գտնում հիմնականում Բրանդենբուրգ, Սաքսոնիա և Մելկենբուրգ-Առաջավոր Պոմերանիա դաշնային հողերում։ Այս մասին հոկտեմբերի 13-ին հայտնել են դաշնային ոստիկանությունից, գրում է DW-ի ռուսական ծառայությունը։
Այս տարվա հունվարից հուլիս ընկած ժամանակահատվածում բելառուսական երթուղով Գերմանիա է տեղափոխվել ընդամենը 26 մարդ: Օգոստոսին Բելառուսով ժամանող անօրինական ներգաղթյալների թիվը հասել է 474-ի, իսկ սեպտեմբերին ՝ 1914 -ի: Հոկտեմբերին այս թվերը կրկին աճել են. հոկտեմբերի 11-ի դրությամբ՝ դաշնային ոստիկանությունը գրանցել է 1,934 միգրանտների, ովքեր ապօրինի ժամանել էին Գերմանիա Բելառուսի և Լեհաստանի տարածքով:
Ապաստարանները հատկապես արագ են լցվում Բրանդենբուրգում: Այստեղ 2600 մարդ է ապաստան է գտել տարբեր քաղաքներում: Այս մասին dpa-ին հայտնել է օտարերկրացիների հարցերով կենտրոնական բաժանմունքի ղեկավար Օլաֆ Յանզենը։
Ներգաղթյալներ ընդունելու համար նախատեսված տարածքը, որը նախատեսված է 3500 մարդու համար, տաքացվող վրանների շնորհիվ հնարավոր է եղել արագ կարգով հասցնել 4600 տեղի:
Ամենայն հավանականությամբ, դրանց թիվը ստիպված կլինեն հասցնել մինչև 5 հազարի:
Տաթև Ֆռանգյան
