09.06.2026 | 10:20
Կանադայի վարչապետը շնորհավորել է Նիկոլ Փաշինյանին ընտրություններում հաղթանակի առիթով
Ռուսաստանի ու Ադրբեջանի հոգևոր առաջնորդների հանդիպումը տեղի է ունեցել ադրբեջանցի հայտնի լոբբիստի ներկայությամբ
Քաղաքականություն
12.10.2021 | 22:38
Մոսկվայում այսօր տեղի է ունեցել Կովկասի մահմեդականների վարչության ղեկավար, շեյխ ուլ իսլամ Ալլահշուքյուր Փաշազադեի և Մոսկվայի ու համայն Ռուսիո պատրիարք Կիրիլի հանդիպումը։
Ադրբեջանական լրատվամիջոցների հաղորդմամբ`հանդիպումը կայացել է Ռուսական պատրիարքարանի Սուրբ Դանիելի վանքում։ Ռուս պատրիարքն իր խոսքում ասել է, որ վերջին անգամ հանդիպել են երկու տարի առաջ։ « Սովորաբար մենք պարբերաբար հանդիպում ենք: Այդ հանդիպումները միշտ անցնում են բարեկամական, ես կասեի ՝ եղբայրության մթնոլորտում: Այս ընթացքում մեր միջև ձևավորվել է փոխվստահության մթնոլորտ: Սա շատ կարևոր է, քանի որ մենք քննարկում ենք բարդ հարցեր: Մեր ծանոթության 20 տարիների ընթացքում չի եղել դեպք, թեմա,որոնք մեզ բաժանում են ու լարվածության պատճառ դառնում։ Մենք, իսկապես, փնտրել,գտել ու շարունակելու ենք գտնել լուծումներ քննարկվող հարցերում» ,-ասել է պատրիարք Կիրիլը։ Հաղորդվում է,որ հանդիպումն անցել է առանց լրատվամիջոցների ներկայացուցիչների`համավարակային իրավիճակով պայմանավորված։
Ուշագրավ է, որ հոգևոր առաջնորդների հանդիպմանը ներկա է եղել ոչ միայն ՌԴ-ում Ադրբեջանի դեսպանը։ Տարածված լուսանկարներից երևում է,որ հանդիպմանը մասնակցել է նաև ռուսաստանաբնակ ադրբեջանցի հայտնի գործարար Գոդ Նիսանովը։ Նա ՌԴ-ում ադրբեջանական լոբբիի ամենաակտիվ դեմքերից է և ֆինանսավորում է նաև ադրբեջանամետ տարբեր գործիչների։
Էմմա Չոբանյան
