09.06.2026 | 11:33
Ռուսաստանի ազդեցությունը նվազում է Ադրբեջանում, Հայաստանում և Մոլդովայում․ Զելենսկի
Երբ խոսում ենք ճանապարհներ բացելու մասին, նախևառաջ այդ ճանապարհներով պետք է մեր ռազմագերիները վերադառնան. Ալեն Սիմոնյան
Քաղաքականություն
12.10.2021 | 22:35
ԱԺ նախագահ Ալեն Սիմոնյանն այսօր լրագրողների հետ ճեպազրույցում խոսեց ՌԴ կատարած այցի մասին։ Նա, մասնավորապես, նշեց. «Մեր ռուս գործընկերների մոտ կա իրավիճակի հստակ ընկալում։ Այն պատկերացումները, գնահատականները, որոնք մենք ունենք, գրեթե ամբողջությամբ կիսում են մեր ռուս գործընկերները:
ՌԴ-ում իր հանդիպումների արդյունքներով հնարավոր եղե՞լ է հասնել նրան, որ ռազմագերիներն ազատ արձակվեն, ի՞նչ ժամկետներում դա կարող է տեղի ունենալ, Սիմոնյանն ասաց. «Ռազմագերիները պետք է վաղուց վերադարձած լինեին ամբողջությամբ: Ադրբեջանը փաստացի չի կատարում իր պարտավորությունները՝ տարբեր շինծու արդարացումներ բերելով: Երբ խոսում ենք ճանապարհներ բացելու մասին, նախևառաջ այդ ճանապարհներով պետք է մեր ռազմագերիները վերադառնան:
Կարող եմ ասել, որ այդ հանդիպումներում կոնկրետ անձանց հետ կապված քննարկումներ են տեղի ունեցել և ես խնդրել եմ միջամտել: Կարմիր Խաչը նշել է, որ կին ռազմագերու հետ կապված տեղեկատվություն կա: Ցավոք, ադրբեջանակական կողմը չի հաստատում այդ տեղեկությունը»:
ԱԺ նախագահը հույս հայտնեց, որ մոտ ապագայում մենք ռազմագերի արտահայտությունը կթողնենք անցյալում:
Մերի Մարտիրոսյան
