17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ԼՂ հակամարտությունը մնում է չլուծված․ Փաշինյանը՝ Պուտինին
Քաղաքականություն
12.10.2021 | 19:22
ԼՂ հակամարտությունը մնում է չլուծված: Այս մասին Մոսկվայում ՌԴ նախագահ Վլադիմիր Պուտինի հետ հանդիպմանը հայտարարել է Հայաստանի վարչապետ Նիկոլ Փաշինյանը:
«Ռուսաստանը, որը ԵԱՀԿ Մինսկի խմբի համանախագահ է, առանցքային դեր է խաղում հակամարտության կարգավորման և տարածաշրջանում անվտանգության ապահովման գործում»,-ասել է նա ՝ հավելելով, որ ուրախ է քննարկել այս կարևոր հարցերը:
Փաշինյանը շեշտել է, որ դեռեւս չի կարելի խոսել տարածաշրջանում իրավիճակի ամբողջական կայունացման մասին: Նա նշել է, որ ուրախ է հանդիպել իր ռուս գործընկերոջ հետ, քանի որ սա հնարավորություն է ևս մեկ անգամ կարեւոր հարցեր քննարկելու համար:
ՀՀ վարչապետը նաև շեշտել է, որ Հարավային Կովկասում ու աշխարհում դինամիկ գործընթացներ են ընթանում և այս համատեքստում շատ կարևոր են դաշնակիցների հետ հանդիպումները։
Տաթև Ֆռանգյան
