29.06.2026 | 13:54
Հրդեհ Կապուտանում․ հրշեջ-փրկարարները կանխել են կրակի տարածումը
Էրդողանը կարող է սրել իրավիճակն Արևելյան Միջերկրականում ու Էգեյան ծովում՝ Հունաստանի ու Ֆրանսիայի միջև ռազմական համաձայնագրի կնքումից հետո
Քաղաքականություն
11.10.2021 | 23:33
Հունաստանը մտահոգված է, որ Թուրքիայի նախագահ Ռեջեփ Թայիփ Էրդողանը կարող է սրել իրավիճակն Արևելյան Միջերկրականում ու Էգեյան ծովում՝ Աթենքի ու Փարիզի միջև կնքված ռազմանավերի գնման գործարքից հետո։ Գրում է Ահվալ գործակալությունը՝ վկայակոչելով հունական Kathimerini ամսագրին։
Նշվում է, որ Թուրքիայի կողմից նոր միջազգային ծովային զեկույցի հրապարակումը, որում հայտարարվում է Կիպրոսի հյուսիսում հետախուզական աշխատանքների մասին, «Թուրքիայի նման մտադրությունների վկայությունն է»։
Նշենք, որ Հունաստանն ու Ֆրանսիան նախորդ ամիս պայմանագիր կնքեցին 3 ֆրեգատների գնման մասին հունական նավատորմի համար 2․9 մլրդ դոլարով, բացի այդ, Ֆրանսիան նաև 6 Rafael կործանիչ է վաճառել Հունաստանին։
Լրատվամիջոցը գրում է, որ Ֆրանսիայի հետ նման պայմանագրերի կնքումից ու Հունաստանի բանակի ուժեղացումից հետո Թուրքիայի նախագահ Ռեջեփ Թայիփ Էրդողանը հայտնվել է դժվարին իրավիճակում։ Աթենքն անհանգստանում է, որ Թուրքիայի նախագահը կարող է լարվածությունը մեծացնել «ոչ թե հունական ինքնիշխանությունը հարցականի տակ դնելու, այլ ցույց տալու հունաֆրանսիական գործարքի անգործունակությունը։
Ամենավտանգավորն այն է, որ Թուրքիան կարող է հորատման սարք տեղադրել այն հատվածներում, որտեղ ժամանակին անում էր, նաև կարող է ձկնորսական նավեր ուղարկել Հունաստանի ջրային տարածքներ։
Նշենք, որ Հունաստանի ու Թուրքիայի հարաբերությունները հասան վերջին տասնամյակներում ամենացածր կետին անցյալ կետին, երբ Անկարան փորձում էր գազի հորատում իրականացնել Հունաստանի ջրերում։ Այժմ կողմերը տարբեր շփումներ են անցկացնում՝ ծովային սահմանների շուրջ տարաձայնությունների հարթման համար։
Էմմա Չոբանյան
