23.08.2026 | 17:17
ՃՏՊ Արմավիր-Երևան ավտոճանապարհին․ կան տուժածներ և զոհ
Իրանը հույս ունի առաջիկա ամիսներին Ռուսաստանի հետ ստորագրել համագործակցության պայմանագիրը
Քաղաքականություն
11.10.2021 | 21:57
Իրանական կողմն ակնկալում է մի քանի ամիսների ընթացքում Ռուսաստանի հետ ստորագրել համապարփակ համագործակցության լրացված պայմանագիրը։ Այս մասին հայտարարել է Իրանի ԱԳՆ պաշտոնական ներկայացուցիչ Սայիդ Խաթիբզադեն։ Գրում է ՏԱՍՍ գործակալությունը։
«Հուսով ենք՝ մի քանի ամսվա ընթացքում մենք ականատեսը կլինենք այդ փաստաթղթի ստորագրմանը»,- ասել է Խաթիբզադեն։
Դիվանագետի խոսքով «մի քանի տարի առաջ առաջացել է պայմանագրի լրացման պահանջ»։
«Հարցը քննարկվել է Սերգեյ Լավրովի՝ Իրան նախորդ այցի ընթացքում, և հիմա Թեհրանում պատրաստում ենք եզրափակիչ կետերը։ Այդ գործընթացի ավարտից հետո ու երկրի ներսում ընդունումից հետո մենք այն կուղարկենք Մոսկվա»,- ասել է Խաթիբզադեն։
Ռուսաստանի ու Իրանի միջև հարաբերությունների հիմունքների ու համագործակցության սկզբունքների պայմանագիրը կնքվել է 2001թ․ մարտին, որի ժամկետն ավտոմատ կերպով ամեն 5 տարին մեկ երկարաձգվում է։
Էմմա Չոբանյան
