14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Գերմանիայում գործարարները նոր կառավարությունից պահանջում են կլիմայի պաշտպանություն
Քաղաքականություն
11.10.2021 | 23:21
Գերմանիայում նոր կառավարության ձևավորման վերաբերյալ խորը բանակցությունների մեկնարկից առաջ տասնյակ գերմանական կազմակերպություններ ապագա կաբինետից պահանջում են կոնկրետ քայլեր ձեռնարկել կլիմայի պաշտպանության համար:
Այսօր հրապարակված համատեղ հայտարարության մեջ տնտեսության տարբեր ճյուղերից 69 գերմանական ընկրություններ, մասնավորապես, կոչ են արել նոր կառավարությանն արագացնել վերականգնվող էներգակիրների ներդրումը, գրում է DW-ի ռուսական ծառայությունը։
Առաջին 100 օրվա ընթացքում Գերմանիայի նոր կառավարությունը պետք է ներկայացնի այն քայլերի ծրագիրը, որի միջոցով մինչ 2045 թվականը պետք է հասնել կլիմայական չեզոքության, վերականգնվող էներգիայի աղբյուրների մասշտաբային ընդլայնումն անհրաժեշտ է համակցել այլ միջոցների հետ ևս, որպեսզի 2038 թվականից ավելի շուտ հնարավոր լինի հասնել ածխից էլեկտաէներգիա ստանալուց հրաժարվելուն։
«Կլիմայի պաշտպանությունը՝ որպես Բունդեսթագի ընտրությունների գլխավոր թեմա, պետք է առաջնահերթ օրակարգ լինի կուսակցությունների համար նոր դաշնային կառավարություն ձևավորելիս։ Նոր կառավարությունը պետք է գծի շրջանակները, որպեսզի մենք՝ որպես ձեռնարկություններ, կարողանանք կլիմայական չեզոքությունը դարձնել Գերմանիայի տնտեսության ֆիրմային խորհրդանիշը»,- հայտարարել է Otto Group ընկերության նախագահ Միխաել Օտտոն։
Տաթև Ֆռանգյան
