08.08.2026 | 14:24
Ինչ արդյունքներ ունեն հայ շախմատիստները Եվրոպայի Մ20 առաջնությունում երկու խաղափուլից հետո
Մարդկությունը հաղթահարել է պանդեմիայից դուրս գալու ճանապարհի գրեթե 60 տոկոսը․ ԱՀԿ
10.10.2021 | 21:48
Մարդկությունը հաղթահարել է պանդեմիայից դուրս գալու ճանապարհի գրեթե 60 տոկոսը, սակայն կորոնավիրուսի նոր շտամների և այլ անսպասելի խոչընդոտների հայտնվելը կարող է զգալիորեն հեռացնել պանդեմիայի ավարտը: Корреспондент.net-ի փոխանցմամբ՝ այս մասին շվեյցարական Blick պարբերականին տված հարցազրույցում հայտարարել է Առողջապահության համաշխարհային կազմակերպության առաջատար գիտաշխատող Սումիա Սվամինաթանը։
ԱՀԿ ներկայացուցչի կարծիքով՝ ասել, որ պանդեմիան շուտով կավարտվի, վաղ է։
Սվամինաթանը ուշադրություն է հրավիրել այն հանգամանքի վրա, որ աշխարհի որոշ մասերում պատվաստված բնակչության տոկոսը շատ բարձր է՝ 70-80 տոկոս, մինչդեռ մյուսներում, օրինակ՝ Աֆրիկայում, ամբողջությամբ պատվաստված է բնակչության 4 տոկոսից պակաս:
«Որքան երկար համակերպվենք նման իրավիճակի հետ, այնքան մեծ է նոր տարբերակների առաջացման հավանականությունը», – հայտարարել է նա:
Գիտնականը կոչ է արել եղած բոլոր դեղամիջոցներն օգտագործել ամբողջ աշխարհում պատվաստումների մակարդակը բարձրացնելու համար:
