14.12.2024 | 18:16
ՆԳ նախարարը Ոստիկանության անձնակազմի հետ օպերատիվ խորհրդակցություն է անցկացրել
Բաքուն ցանկանում է ավելացնել ադրբեջանական գազ գնող եվրոպական երկրների թիվը
Քաղաքականություն
06.10.2021 | 21:50
Ադրբեջանի նախագահ Իլհամ Ալիևը հայտարարել է, որ Բաքուն նախատեսում է աշխատել ԵՄ-ի հետ՝ ադրբեջանական գազ գնող եվրոպական երկրների թիվը ավելացնելու համար, գրում են տեղական լրատվամիջոցները։
«Ադրբեջանը 2020 թվականի վերջին սկսեց Եվրոպա գազի մատակարարումները։ Մենք տեսնում ենք, որ կարող ենք գազի մատակարար դառնալ եվրոպական երկրներ։ Մենք նախատեսում ենք աշխատել ԵՄ-ի հետ՝ գազի մատակարարումների աշխարհագրությունն ընդլայելու համար»,- ասել է Ալիևը Բաքվում ԵՄ նորանշանակ դեսպանի հավատարմագրերն ընդունելիս։
Նշենք, որ ներկայում Ադրբեջանը Եվրոպա գազ է մատակարարում «Հարավային գազային միջանցքով»՝ 16 մլրդ խորանարդ մետր տարողությամբ, որից 10 մլրդը-ը նախատեսված է Եվրոպայի, 6 մլրդ-ը՝ Թուրքիայի համար։
Ադրբեջանական գազի գնորդներն են Իտալիան, Հունաստանը և Բուլղարիան։ 2021 թվականին նախատեսված է այս երկրներ մատակարարել 5-5․5 մլրդ խորանարդ մետրի մակարդակով, սակայն ակնկալվում է, որ ծավալներն ավելի մեծ կլինեն։
Էմմա Չոբանյան
